Atmosferalyq fronttardyń ótýine baılanysty respýblıkanyń basym aýmaǵynda jaýyn jaýady. Eldiń tek ońtústik jáne ońtústik-batysynda senbi jaýyn-shashynsyz ótedi. Keı jerlerde jel kúsheıip, tuman, kóktaıǵaq kútiledi, dep habarlaıdy «Qazgıdromet» RMK.
Atap aıtqanda, Aqmola, Qostanaı, Pavlodar oblystarynyń keı jerlerinde tuman, kóktaıǵaq bolyp, jeldiń ekpini 15-20 m/s kúsheıedi.
Aqtóbe oblysynyń keı jerlerin tuman basyp, kóktaıǵaq bolady. Kúndiz jeldiń kúshi 15-20 m/s jetedi.
Jambyl, Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde tuman bolady, jeldiń kúshi 15-20 m/s artady.
Soltústik Qazaqstan oblysynyń jekelegen aýmaǵynda túnde kóktaıǵaq kútiledi.
Qyzylorda, Mańǵystaý, Atyraý oblystarynyń keı jerlerinde tuman boljanady.
Túnde Almaty oblysynda, kúndiz Ońtústik Qazaqstan, Batys Qazaqstan oblystarynda jel 15-20 m/s kúsheıedi, túnde Almaty oblysynyń keı jerlerin tuman basady.