Ońtústik Qazaqstan oblysy Saryaǵash aýdanynda kún sáýlesinen elektr energııasyn óndiretin stansııanyń qurylysy bastaldy. Saǵatyna 20 mVT toq shyǵaratyn zamanaýı nysannyń irgetasy Jylǵa aýyldyq okrýginde qalanyp otyr, dep habarlady OQO əkimdiginiń baspasóz qyzmeti.
Qurylystyń saltanatty ashylý rásimine Saryaǵash aýdanynyń ákimi Qaırat Abdýalıev, aýdandyq maslıhat hatshysy Jánibek Súleımenov, «EkoProTeh-Astana» JShS dırektory Nazırjon Temırov jáne Jylǵa aýylynyń bir top turǵyndary qatysty. Jalpy quny 14 mlrd. teńgeni quraıtyn jobany iske asyrýdy «EcoProTech-Astana» JShS qolǵa alyp otyr. Qurylys jumystarynyń jalpy jer aýmaǵy 41 gektardy quraıdy.
Aıta keteıik, «EcoProTech-Astana» JShS quryltaıshysy germanııalyq «DAY ENERGY GmbH» kompanııasy. Atalǵan mekeme energııany jańartý salasyndaǵy jobalardy damytý men fotovolttyq paneldi jáne sý energııasyn óndirýge negizdelgen. Kún sáýlesinen óndirilgen elektr energııasyn temirjol salasyna qoldaný jobasy álemde alǵash ret qolǵa alynyp otyr. Qazirgi tańda «EcoProTech-Astana» JShS-gi memlekettik saraptama qortyndysyn alyp, jobany qarjylandyrý úshin banktermen kelisim-shart jasasyp jatyr. Sondaı-aq, olar jobaǵa qajetti qural-jabdyqtardy jetkizip beretin kompanııalarmen kelisim jasasyp, alǵashqy qarjylaryn aýdaryp ta qoıǵan.