Bul týraly О́skemen qalasynda ótken QR jeńil atletıka federasııasy Atqarý komıtetiniń otyrysynda 2018 jylǵy ulttyq qurama shtatyn bekitý máselesin qarastyrý barysynda belgili boldy, - dep jazady QR Jeńil atletıka federasııasynyń resmı saıty.
Onda jeńil atletıkadan Qazaqstan ulttyq quramasynyń bas bapkeri sportshylardy 2017 jylǵy nátıjelerine qarap, úsh kategorııaǵa bólý kerektigin aıtqan.
«Biz qurama A, V, S dep úsh toptan jasaqtaýdy josparlap otyrmyz. A tobynda Olga Rypakova bastaǵan quramanyń kóshbasshylary bolsa, V tobyna estafetalyq saıystarǵa qatysýshylar men qurlyqtyq jáne ózge dodalarda júldegerler qatarynan kórinip júrgender enedi. Al S toby negizinen jastardan jasaqtalady. Sondaı-aq Rıo Olımpıadasynan keıin dekrettik demalysta bolǵan Margarıta Muqashevany qostyq. Ol buǵan deıin ulttyq quramada tabysty eńbek kórsetken sportshy. Ol óz aldyna 2018 jyly úshinshi ret Azııa oıyndaryn utyp alýdy josparlap otyr, - deıdi Grıgorıı Egorov.
Otyrys qorytyndysy boıynsha usynylǵan tizim QR Mádenıet jáne sport mınıstrliginiń sport jáne dene shynyqtyrý isteri komıtetine jiberiledi.