Jastar saıasaty – bolashaq kepili

Almaty qalasy ákimdiginiń ǵımaratynda Qazaqstan Respýblıkasy Prezıdentiniń ja­nyn­daǵy Jastar saıasaty jónindegi keńestiń IH otyrysy bolyp ótti Keńes jumysyna onyń músheleri, Astana qalasy men ózge de oblys ákimderiniń janyndaǵy jastar isteri jónindegi keńesterdiń hatshylary, Qazaqstan Prezıdentiniń Ákimshiligi men Premer-Mınıstr Keńsesiniń qyzmetkerleri, Almaty qalasy ákimdiginiń qurylymdyq bólimsheleriniń basshylary jáne respýblıkalyq jastar uıym­dary men buqaralyq aqparat quraldarynyń ókilderi qatysty. Premer-Mınıstr Keńsesiniń Basshysy Ǵabı­dol­la Ábdirahymovtyń tóraǵalyǵymen ótken oty­rysta kún tártibine qoıylǵan «Jastar saıasaty salasyndaǵy normatıvtik quqyqtyq bazany jetildirý týraly» jáne «Aýyldyń gúldenýi – Qazaq­stan­nyń gúldenýi» marafon-estafetasyna qatys­ty máseleler talqylandy. Jastar saıasatyna baı­lanysty normatıvtik quqyqtyq baza máseleleri týraly Bilim jáne ǵylym mınıstrliginiń jaýapty hatshysy Bolatbek Ábdirásilovtiń esebi tyń­dal­dy. Al marafon-estafetanyń jumys barysy jó­nin­de Bilim jáne ǵylym mınıstrligi Jastar saıa­saty departamentiniń dırektory Madııar Qojah­met qysqasha baıandama jasap, keńeske qatysý­shy­lardyń suraqtaryna jaýap berip otyrdy. Odan ózge, Almaty qalasy ákiminiń oryn­ba­sa­ry Serik Seıdýmanovtyń Almaty qalasy ákiminiń janyndaǵy Jastar isteri jónindegi keńestiń qyzmeti týraly esebi tyńdalyp, elimizdegi iri megapolıstegi jastardyń máseleleri men áleýmettik suranystaryna qatysty birqatar taqyryptar qozǵaldy. Keńes otyrysyna qatysqan Parlament Máji­li­siniń depýtattary Baqyt Syzdyqova men Murat Ábenov óz taraptarynan jastar týraly zań jo­basyna qatysty, jalpy búgingi jastardy maza­laı­tyn túıtkildi máselelerdi sheshýdiń amaldary men álemdik tájirıbedegi jetik tustaryn eskerý kerektigin jáne aldaǵy kúnderi jastarǵa qatysty máselelerdi Parlament qabyrǵasynda qarastyr­ǵanda atsalysatyndyqtaryn jetkizdi. Sonymen qatar, osy otyrysta keńestiń 2012 jyl­ǵa arnalǵan jumys josparynyń jobasy tal­qylandy. Aldaǵy jyldary keńestiń osyndaı oty­rystary ózge óńirlerde de uıymdastyrylýy kerektigin jıylǵan kópshilik biraýyzdan ma­quldady. Qanat ESKENDIR, Almaty.