Qazaqstan Respýblıkasy Prezıdenti Ákimshiligi men qalalyq máslıhattyń kelisimi boıynsha Ońtústik Qazaqstan oblysy ákiminiń ókimimen Shymkent qalasynyń ákimi bolyp Nurlan Saýranbaev taǵaıyndaldy,-dep habarlaıdy oblys ákiminiń baspasóz qyzmeti.
Búgin oblys ákimi J.Túımebaev Shymkent qalasynyń ákimi laýazymyna
taǵaıyndalǵan Nurlan Ermekuly Saýranbaevty qala aktıvine tanystyryp, aldaǵy jumysyna sáttilik tiledi. Shymkent qalasy Elbasynyń nazaryndaǵy ekonomıkasy men qurylysy qarqyn alǵan elimizdegi úshinshi qala ekenin aıtqan aımaq basshysy qala ákimine jańa jumysynda júktelgen mindetterdi abyroımen atqaratynyna senim bildirip, birqatar tapsyrmalar júktedi.
«Siz kásibı deńgeıi joǵary, memlekettik qyzmettiń túrli salasynan ótken tájirıbeli mamansyz, sondyqtan da Nurlan Ermekuly qalanyń áleýmettik-ekonomıkalyq damýyna keri áser etip otyrǵan birqatar máselelerge nazar aýdaryp, memlekettik baǵdarlamalardyń oryndalýyn qamtamasyz etýdi, qala bıýdjetiniń kiris bóligin arttyrýdy. Sondaı-aq, shaǵyn jáne orta bıznesti damytý maqsatynda ınvestorlar tartýdy, jańa óndiris oryndaryn ashý arqyly turǵyndardy jumyspen qamtýdy, qalaǵa jańadan qosylǵan eldi mekenderdiń ınfrasrtýktýrasyn damytý boıynsha naqty sharalar qabyldaýdy tapsyramyn»,-dedi oblys ákimi.
N.E.Saýranbaev 1967 jyly 20 mamyrda týylǵan, bilimi joǵary, mamandyǵy boıynsha biliktiligi - ekonomıst.
Eńbek jolyn 1991 jyly Astana qalasynda «Eńbek» kompanııasynyń bas dırektory bolyp bastaǵan.
1997-2002 jyldary Qazaqstannyń kásipkerler kongressiniń atqarýshy dırektory, «Qazaqstan temir joly» respýblıkalyq memlekettik kásiporynnyń «Jolaýshylar tasymaly» enshiles kásiporyn dırektory, «ANPZ» ashyq aksıonerlik qoǵamynyń birinshi vıse-prezıdenti retinde eńbek etken.
2002-2016 jyldary «QazMunaıGaz» Ulttyq kompanııasy» aksıonerlik qoǵamynyń Injınırıngtik jáne servıstik qyzmetter departamentiniń dırektory, Munaıdy tasymaldaý jónindegi basqarýshy dırektory, Servıstik jobalar jónindegi basqarýshy dırektory, Qazaqstan Respýblıkasynyń Indýstrııa jáne jańa tehnologııalar vıse-mınıstri, Qazaqstan Respýblıkasynyń Qorǵanys mınıstriniń orynbasary laýazymdaryn atqarǵan.
2017 jyldyń aqpan aıynan bastap EKSPO-2017 halyqaralyq mamandandyrylǵan kórmesin ázirleý jáne ótkizý máseleleri jónindegi shtabtyń uıymdastyrý komıtetiniń basshysy laýazymyn atqaryp kelgen.
«Qurmet» jáne «Parasat» ordenderimen, «Qazaqstan Respýblıkasynyń Táýelsizdigine 20 jyl» merekelik medalimen nagradtalǵan.