Beket atanyń basyna zııarat etýge nıetti adam kóp bolǵanmen, olar eki aralyqtaǵy joldyń qıyndyǵyn da eske almaı qoımaıtyn. Desek te, bul ata basyna barýshylardyń sanyna keri áser etken joq, qaı jylda da, qaı kezeńde de alystaǵy Oǵylandyda jatqan Pir atanyń basyna zııarat etýshiler sany azaıǵan emes.
«Beket ata jatqan jerge deıin jol salynsa» degen kóptiń tilegi 2011 jyly oryndalǵan bolatyn. Osy jyly uzyndyǵy 97 shaqyrymdy quraıtyn jol tóselip, arnaıy «Ata joly» dep atalyp halyq ıgiligine usynyldy. Elbasy Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» Joldaýynda aıtylǵan «О́ńirlerdiń damýy – eldiń damýy» tapsyrmasyna sáıkes bıyl birneshe qabattan turatyn avtojoldyń sońǵy qabaty, ıaǵnı asfalttaý jumystary qolǵa alynyp, oǵan 5 mlrd teńge bólinip otyr. «Ata jolyn» jańartýdyń bir sebebi «óli rıza bolmaı, tiri baıymaıdy» degendeı, árýaqqa qurmet bolsa, ekinshisi – halyqqa qyzmet, úshinshisi – óńirde týrısterge jaǵdaı jasap, týrızmdi damytý. Qazirgi tańda jobanyń rekonstrýksııalaý jumystary bastalyp, Qaraqııa aýdanynyń aýmaǵynda asfalt tóseldi. Jalpy quny 5,042 mlrd teńgeni quraıtyn joba aıasynda 97 shaqyrym joldyń 51 shaqyrymyn asfalttaýdy 2019 jyly aıaqtaý josparlanyp otyr. «Ata joly» avtojoly óńirdegi týrıstik oryndarǵa, ıaǵnı Shopan ata, Oǵlandy jáne Beket ata zıratyna aparatyn jol. Bul oryndar Mańǵystaý óńiriniń ǵana emes, elimizdiń mádenı murasy sanalady jáne Qazaqstannyń qasıetti jerleriniń mádenı-geografııalyq beldeýin qurýǵa baǵyttalǵan «Kıeli meken» arnaıy jobasyna kiredi. – Memleket basshysy atap ótkendeı, otandyq týrızmdi damytý úshin aldymen logıstıka men ınfraqurylymdy jandandyrýymyz qajet. Búgingi «Ata joly» avtojolyn jańartýdaǵy negizgi maqsatymyz osy. Iаǵnı sapaly jol salynsa, adamdar keledi, tirshilik bastalady. Basqa da qyzmet kórsetý ortalyqtary boı kóterip, kóptegen kásipkerdiń tabys tabýyna jol ashylary anyq. Bul jol jaqsylyqqa bastaıtyn jol bolmaq, – degen oblys ákimi Eraly Toǵjanov, jańartý jumystary Úkimettiń qoldaýy arqyly Mańǵystaý oblysy ákimdigi men Investısııalar jáne damý mınıstrligi birlesip atqaryp jatqan kóp isterdiń biri ekendigin atap ótti.
О́tkendi qasterlep, árýaqty qurmetteı bilgen halyq bolǵandyqtan, ata basyna zııarattaýdy esinen shyǵarmaıtyn ıisi musylman bul iske rıza. Urpaq sanasyna osy qalypty sińirip, jaqsylyqqa, izgilikke bastaýda «Ata joly» adastyrmasy anyq.
Gúlaıym ShYNTEMIRQYZY, «Egemen Qazaqstan»
Mańǵystaý oblysy
Sýretti túsirgen Serik MAIEMEROV