Dýbaıda (BAÁ) 15-shi Halyqaralyq áýeǵarysh kórmesi «Dubai Air Show - 2017» aıasynda QR Premer Mınıstriniń birinshi orynbasary Asqar Mamın, BAÁ Premer Mınıstriniń orynbasary, BAÁ Prezıdent isi jónindegi mınıstr sheıh Mánsúr ben Zaıda Ál- Nahaıan, RF Úkimeti tóraǵasynyń orynbasary Dmıtrıı Rogozınniń úsh jaqty resmı kezdesýi bolyp ótti, dep habarlaıdy primeminister.kz.
Kezdesý barysynda taraptar ǵarysh salasyn ınnovasııalyq joǵary tehnologııany qoldana otyryp, birlesip ıgerýdiń ınvestısııalyq jobasyn qarady. Birikken Arab Ámirligi taraby «Baıqońyr» ǵarysh aılaǵynyń qazirgi jaǵdaıymen jáne ony damytý bolashaǵymen tanysty.
Kezdesý barysynda sheıh Mánsúr BAÁ qazaqstan-reseı birlesken «Báıterek» jobasyna qatysýǵa qyzyǵýshylyq bildirip otyr.
Olar bolashaqta birlesken ǵaryshty damytý jobasyn júzege asyrýǵa strategııalyq baǵdarlama jasap, taraptardyń qyzmetin úılestirip otyrý maqsatynda úsh jaqty jumys tobyn qurý týraly kelisimge keldi.