«Dala kemesiniń» jańa úlgisi Qazaqstanda qurastyryla bastady

ÚKIMET       «Egemen Qazaqstannyń» aptalyq qosymshasy

Bıylǵy jyldyń basynda «Qamqor Menedjment» JShS basshylyǵy «Agromashholdıng» JShQ-men birlese otyryp, Qa­zaqstandaǵy «Enıseı-Qam­qor» kombaınyn qurastyrý bólimshe­siniń ashylý rásimin ótkizgen bo­latyn. Otandyq agroónerkásip kesheni salasyndaǵy asa mańyz­dy ınnovasııalyq jańalyqtar­dyń biri retinde qabyldanǵan osynaý sátti qadam óziniń ıgi jalǵasyn taýyp, ústimizdegi jyl­dyń sáýir aıynda Jambyl ob­lysy men Shý aýdany ákimdik­teriniń qoldaýymen respýblı­kamyzdyń aýmaǵynda qurasty­rylǵan «Enıseı-Qamqor-1200» kombaınynyń resmı tusaýkeseri uıymdastyryldy. 2011 jyldyń sáýirinen qyr­kúıek aıyna deıin «Enıseı-Qamqor-1200» astyq jınaýshy kombaınnyń 49 danasy jasaly­nyp, onyń 40-y bıylǵy oraq naýqanynda paıdalanyldy. Osy­­laısha bul kombaındar Qazaq­stan Respýblıkasynda qoldany­lyp júrgen standarttaý júıe­sine sáıkes sertıfıkattaý sy­naǵynan sátti ótti. Budan basqa atalǵan kombaınǵa ST-KZ for­matynan ótý sertıfıkaty da berildi. 2012 jyly ártúrli modıfıkasııalarmen jaraqtandyrylǵan kombaındardyń birneshe túr­le­ri­niń 200 danasyn qurastyryp, paıdalanýǵa berý kózdelinýde. Munyń ózi jergilikti jerlerde jumys oryndaryn kóbeıtýmen qatar, Qazaqstannyń áleýmettik-ekonomıkalyq damýyna da edá­ýir úles bolyp tabylary sózsiz. О́ıtkeni, kombaındardy óz eli­miz­diń aýmaǵynda qurastyrý aýyl­­sharýashylyq tehnıkala­ry­nyń ózindik qunyn birshama tómendetetini belgili. Jaqynda ǵana Astana qala­syndaǵy «Kórme» ortalyǵynda ashylǵan «QazAgro-2011» jáne «QazFerma-2011» halyqaralyq aýyl sharýashylyǵy jáne azyq-túlik ónerkásibi kórmesiniń aıa­synda «Agromash-Qamqor-4121» kombaınynyń jańa úlgisi kelýshilerge tanystyrylǵany jurt­shy­lyqqa belgili. 4-synypty óz­diginen júretin bul astyq orýshy kombaın dándi daqyldardy tikeleı jáne bólip orýǵa arnalǵan. Jańa úlgidegi aýylsharýashylyq tehnıkasy egini bitik ósken al­qaptarda da, sondaı-aq ylǵaldy jerlerde de dán orýda taptyr­maıtyn qural. Jańa kombaın «Traktorlar zaýyty» konserni tobyna kiretin Krasnoıar kombaın zaýyty konstrýktorlarynyń kóp jyldar boıǵy izdenisteriniń nátıjesi bolyp tabylady. Bıyl bul kombaındar Aqmola jáne Soltústik Qazaqstan oblysta­ryndaǵy astyq jınaý naýqanyn­da dıqandardyń oryndy rızashy­lyǵyna ıe boldy. Kórmege kelgen sharýashylyq basshylary bul týraly jarysa pikir bildirip, jańa kombaındardyń ozyq jetistikterin tamsana áńgimelegenderi buǵan naqty dálel. Kórme aıasynda uıymdasty­rylǵan jańa kombaınnyń tanys­tyrylymynda Premer-Mınıs­trdiń birinshi orynbasary О́.Shó­keev, Aýyl sharýashylyǵy mınıstri A.Mamytbekov, Aýyl sharýa­shylyǵy vıse-mınıstri M.Tóle­baevtar jańa tehnıka týraly óz pikirlerin aıtyp, kombaındy qu­rastyrý jumystaryna «aq jol» tiledi. Olar óz sózinde munyń ózi Memleket basshysy  N.Á. Na­­zar­­baevtyń otandyq aýyl­sharýa­shy­lyq mashınalaryn qu­rastyrýdy damytý týraly tap­syrmalaryn is júzine asyrýdyń tikeleı kórinisi ekenin atap ótti. Sondaı-aq, «Ag­romash-Qamqor-4121» kom­baıny­nyń tehnıkalyq erekshelikterimen jaqynyraq tanysqan qura­mynda Premer-Mınıstrdiń birinshi orynbasary men Aýyl sha­rýashylyǵy mınıstri bar Úkimet delegasııasy jańa tehnıkany qu­rastyrýdyń keleshektegi damýy men olardy aýylsharýashylyq taýar óndirýshileriniń paıdalaný múmkindikteri týraly keńinen oı bólisti. Premer-Mınıstrdiń birinshi orynbasary О́.Shókeev otan­dyq aýylsharýashylyq teh­nı­kalary óndirisin damytý men óndiriske jańa tehnologııalyq sheshimder engizýdiń mańyzdyly­ǵyn erekshe atap ótti. Halyqaralyq kórmege kelýshiler men qatysýshylar jańa kombaındy asa qyzyǵýshylyqpen tamashalap, ońdy pikirlerin bildirýde. Qazaqstannyń astyqty alqap­ta­rynda «Enıseı-Qamqor-1200» kombaındary dala kemesine aına­lyp, el rızyǵyn tókpeı-shashpaı jınaýǵa jappaı atsalysatyn kún de alys emes. Qorǵanbek AMANJOL.