Búgin QR Úkimetiniń otyrysy barysynda aýyl sharýashylyǵy birinshi vıse-mınıstri Qaırat Aıtýǵanov aýyl sharýashylyǵyn memlekettik qoldaýdy odan ári jetildirý boıynsha qabyldanyp jatqan sharalar týraly baıandady.
Agroónerkásip keshenin memlekettik qoldaýdy jetildirý maqsatynda, sondaı-aq, 2017–2021 jyldarǵa arnalǵan AО́K damytý memlekettik baǵdarlamasyn iske asyrý aıasynda aýyl sharýashylyǵynyń basymdyqty baǵyttaryn damytý jáne AО́K-ke memlekettik qoldaýdy jetildirý kartalary ázirlendi.
Aýyl sharýashylyǵy kooperasııasyn damytý, agrarlyq qaıta óńdeý, AО́K qarqyndy tehnıkalyq qaıta jabdyqtaý, tuqym sharýashylyǵy, ósimdikterdi qorǵaý, agrohımııa, mal azyǵy óndirisi, kóterme-úlestirý ortalyqtary, egindikterdi ulǵaıtý, otarly qoı sharýashylyǵyn damytý boıynsha on Karta qabyldandy.
Agrarlyq ǵylymdy damytý, sıyr eti óndirisi, sýbsıdııalaýdan jeńildikti nesıelendirýge kóshý arqyly memlekettik qoldaý sharalarynyń tıimdiligin arttyrý kartalary ázirleý satysynda tur.
Sondaı-aq, otyrys barysynda «Atameken» UKP agroónerkásiptik keshen komıtetiniń tóraǵasy Ivan Saýer, Qazaqstan mashına jasaýshylar odaǵynyń tóraǵasy Meıram Pishembaev, S. Seıfýllın atyndaǵy Qazaq agrotehnıkalyq ýnıversıtetiniń rektory Aqylbek Kúrishbaev, Qaraǵandy oblysy fermerler odaǵynyń tóraǵasy Igor Jabıak, Jambyl oblysynyń ákimi Kárim Kókirekbaev, Aqmola oblysynyń ákimi Málik Myrzalın sóz sóıledi.
Máseleni qaraý qorytyndysy boıynsha Premer-Mınıstr Baqytjan Saǵyntaev birqatar naqty tapsyrmalar berdi:
Aýyl sharýashylyǵy mınıstrligine ákimdiktermen birlesip, aýyl sharýashylyǵy ónimin shyǵarýdan bastap ony syrtqy naryqtarǵa eksporttaýǵa deıin tıimdi tizbek qurý;
QR AShM-ge QR BǴM-men birlesip, aýylda mindetti túrde eńbekpen qamtamasyz etý shartymen, aýyl jastaryna beriletin granttardyń sanyn ulǵaıtý máselesin pysyqtaý;
QR AShM-ge ákimdiktermen birlesip, óńirlerdiń mamandanýyn eskere otyryp, aýyl sharýashylyǵy ónimderin sýbsıdııalaý tetigine egjeı-tegjeıli taldaý jasaý, sondaı-aq, búgin usynylǵan barlyq sharalardy 2021 jylǵa deıingi AО́K damytý memlekettik baǵdarlamasyna biriktirý máselesin pysyqtaý tapsyryldy.