Murager hanzadamen kezdesti

Keshe Memleket basshysy Nursultan Nazarbaev Birikken Arab Ámirlikterine jumys sapary aıasynda BAÁ Qarýly Kúshteri Joǵarǵy Bas qolbasshysynyń orynbasary, Abý Dabı ámirliginiń murager hanzadasy sheıh Muhammed ben Zaıd Ál Nahaıanmen kezdesti, dep habarlady Qazaqstan Respýblıkasy Prezıdentiniń baspasóz qyzmeti. Taraptar ekijaqty ózara is-qı­myl­dyń jaı-kúıi men perspektıvasyn tal­qylady. Qazaqstan Prezıdenti qazirgi ýaqytta «Abý Dabı Plaza» kóp salaly kesheniniń jobasy is júzinde qurylys jumystary satysyna kóshkenin atap ótti. Taraptar postkeńestik keńistiktegi jalǵyz ıslam banki – «Ál-Hılıal» ban­ki­niń tabysty qyzmetin erekshe atap ótti. Murager hanzada ekijaqty ynty­maq­tastyqtyń qarqynyna qanaǵattanýshylyq bildirdi jáne BAÁ Qazaqstanmen munaı-gaz jáne munaı-hımııa salalarynda jemisti yn­ty­maqtastyqty damytýǵa daıyn ekenin atap ótti. Ámirlik taraby Qazaqstan­nyń aýyl sha­rýashylyǵy salasyna erekshe qyzyǵýshylyq tanytýda. Bıylǵy jyly qazaqstandyq as­tyqtyń mol jınalǵanyn eskere otyryp, ámirlik taraby qazaq­stan­dyq bıdaı ekspor­ty máselesin qaras­tyrýǵa daıyn. Taraptar sondaı-aq, Qazaqstan Úkimeti men BAÁ Úkimeti arasynda ınvestısııany yntalandyrý jáne ózara qorǵaý týraly kelisim jobasyna qol qoıýǵa daıyndyqqa qatysty progreske qol jetkizilgenine qanaǵattanýshylyq bildirdi. Sýretterdi túsirgender S.BONDARENKO, B.OTARBAEV.