Yntymaqtastyqty damytý jaıy talqylandy

Memleket basshysy Nursultan Nazarbaev jumys saparymen Birikken Arab Ámirlikterine keldi, dep habarlady Qazaqstan Respýblıkasy Prezıdentiniń baspasóz qyzmeti. Qazaqstan Prezıdenti Premer-mınıstrdiń orynbasary – BAÁ-niń Prezıdent isteri boıynsha mınıstri sheıh Mansur ben Zaıd Ál Nahaıanmen kezdesti. Kezdesý barysynda eki el arasyndaǵy saıası, saýda-ekonomıkalyq jáne ın­ves­tı­sııa­lyq salalardaǵy yntymaqtas­tyq­ty odan ári damytý jáne nyǵaıtý má­seleleri talqylandy. Atap aıtqanda, aldaǵy ýa­qyt­ta Abý-Dabı qalasynda Qazaqstan-Ámirlikter úkimetaralyq ko­mıssııasynyń 5-otyrysyn ótkizý máse­lesi, sondaı-aq Qa­zaqstannyń Taıaý Shyǵys jáne Ońtústik-Shyǵys Azııa elderimen ınvestısııalyq yntymaqtas­ty­ǵyn damytýǵa arnalyp, bıylǵy jyldyń qazan aıynda Abý-Dabı qalasynda ótken bıznes-forýmnyń qory­tyndysy tal­qy­landy. Memleket basshysy forým aıasyndaǵy qazaqstandyq jáne arab kompanııalary arasynda qol jetkizilgen ýaǵdalastyqtar naqty joba retinde iske asyrylatynyna senim bildirdi.