2011 jylǵy 19 qyrkúıek, Astana qalasy
Sport túrlerinen Qazaqstan Respýblıkasy qurama komandalarynyń sportshylaryn daıarlaý boıynsha keshendi ǵylymı toptyń qyzmetin uıymdastyrý erejesin bekitý týraly
«Dene shynyqtyrý jáne sport týraly» Qazaqstan Respýblıkasynyń Zańynyń 8-1 babynyń 14) tarmaqshasyna, 23-babynyń 21) tarmaqshasyna sáıkes buıyramyn:
1. Qosa berilip otyrǵan Sport túrlerinen Qazaqstan Respýblıkasy qurama komandalarynyń sportshylaryn daıarlaý boıynsha keshendi ǵylymı toptyń qyzmetin uıymdastyrý erejesi bekitilsin.
2. Sport komıteti osy buıryqty zańnamada belgilengen tártippen Qazaqstan Respýblıkasy Ádilet mınıstrligine memlekettik tirkeýge usynsyn jáne memlekettik tirkelgennen keıin ony buqaralyq aqparat quraldarynda resmı jarııalaýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Týrızm jáne sport vıse-mınıstri M.E. Omarovqa júktelsin.
4. Osy buıryq alǵashqy resmı jarııalanǵan kúnnen keıin on kúntizbelik kún ótken soń qoldanysqa engiziledi.
Mınıstr T.ERMEGIIаEV.
Qazaqstan Respýblıkasy Týrızm jáne sport mınıstriniń 2011 jylǵy
19 qyrkúıek №02-02-18/183 buıryǵymen bekitilgen
Sport túrlerinen Qazaqstan Respýblıkasy qurama komandalarynyń sportshylaryn daıarlaý jónindegi keshendi ǵylymı toptardyń qyzmetin uıymdastyrý erejesi
1. Jalpy erejeler
1. Keshendi ǵylymı toptardyń qyzmetin uıymdastyrý erejesi (budan ári – Ereje) «Dene shynyqtyrý jáne sport týraly» Qazaqstan Respýblıkasynyń Zańyna sáıkes ázirlendi jáne sport túrlerinen Qazaqstan Respýblıkasy qurama komandalarynyń sportshylaryn daıarlaý jónindegi keshendi ǵylymı toptyń qyzmetin uıymdastyrý tártibin aıqyndaıdy.
2. Keshendi ǵylymı top – ǵylymı-ádistemelik jáne medısınalyq-bıologııalyq zertteýler júrgizý, sportshynyń fýnksıonaldyq jaı–kúıin jáne daıarlyǵynyń tehnıkalyq deńgeıin aıqyndaý úshin qurylatyn bilikti mamandar toby (budan ári – KǴT).
3. KǴT óz qyzmetin sport túrlerinen Qazaqstan Respýblıkasy qurama komandalarynyń sportshylaryn daıarlaýdy júzege asyratyn uıymdarmen jasalǵan sharttyń negizinde júzege asyrady.
4. KǴT jumysy Qazaqstan Respýblıkasy qurama komandalary daıarlyǵynyń quramdas bóligi bolyp tabylady.
5. KǴT jumysynyń nátıjesinde alynǵan barlyq aqparat qupııa bolyp tabylady jáne tek quzyretinde osy máseleler bar adamdar men uıymdarǵa ǵana usynylady.
6. QǴT qyzmetiniń maqsaty sportshylardy daıarlaý jónindegi ádistemelerdiń, tehnologııalardyń jáne usynýlardyń jańasyn ázirleý jáne qoldanystaǵylaryn jetildirý jáne olardy qurama komandalardy daıarlaý praktıkasyna engizý arqyly sport túrlerinen Qazaqstan Respýblıkasy qurama komandalarynyń sportshylaryn daıarlaý tıimdiligin arttyrý bolyp tabylady.
7. QǴT mynadaı maqsattardy iske asyrady:
1) sportshylardy daıarlaýdy josparlaý jáne baǵdarlamalaý prosesterin ǵylymı-ádistemelik jáne medısınalyq-bıologııalyq qamtamasyz etý qajettiligin negizdeý;
2) sportshylardy daıarlaýdyń tirkeletin parametrlerin taldaýdy jáne sportshylardy daıarlaýdyń baǵdarlamalaryn túzetý qajettiligin qamtamasyz etý;
3) sportshylardy daıarlaýdyń jattyǵý prosesiniń jyldyq jáne tórt jyldyq sıklin uıymdastyrý baǵdarlamalaryn ázirleýge qatysý;
4) sportshylar organızminiń fýnksıonaldyq jaı-kúıin, beıimdelý múmkindikterin, fızıkalyq jumysqa qabilettikterin baqylaýdy qamtamasyz etý;
5) tereńdetilgen keshendi tekserýlerdi (TKT), tereńdetilgen medısınalyq tekserýlerdi (TMT), kezeńdik keshendi tekserýlerdi (KKT), aǵymdaǵy tekserýlerdi (AT), shuǵyl baqylaýdy (ShB) uıymdastyrý jáne ótkizý.
2. KǴT qyzmetin uıymdastyrý
8. KǴT-nyń quramy, Qazaqstan Respýblıkasy Týrızm jáne sport mınıstrligi Sport komıtetiniń (budan ári – Komıtet) vedomstvolyq baǵynysty uıymdarymen jumys isteıtin KǴT-nyń jumys jospary Komıtetpen kelisilgennen keıin kórsetilgen uıymdardyń buıryqtarymen bekitiledi.
9. Sport túrlerinen federasııalar sportty damytý máselelerin úılestirý maqsatynda KǴT quramyna sport túrleri boıynsha federasııalardyń jáne Qazaqstan Respýblıkasy Ulttyq Olımpıada Komıtetteriniń mamandary tartylady.
10. KǴT-nyń barlyq mamandary ǵylymı-ádistemelik jáne medısınalyq-bıologııalyq qamtamasyz etý boıynsha josparlanǵan is-sharalardyń ýaqytyly jáne sapaly oryndalýyn, tekserý nátıjesinde alynǵan derekterdiń durystyǵyna qamtamasyz etedi.
11. Oqý-jattyǵý jumysyn ótkizý kezinde KǴT-nyń mamandary:
1) sport túrlerinen memlekettik jáne bas jattyqtyrýshylarmen óz jumystarynyń baǵdarlamasyn jáne oryndalý reglamentin kelisedi;
2) bas jattyqtyrýshyǵa sportshylardyń tekserilýge kelmegen jaǵdaılary týraly habarlaıdy;
3) tekseris nátıjelerin, sportshylardy daıarlaýdy ońtaılandyrý boıynsha qorytyndylar men usynystardy qurama komandalardyń jattyqtyrýshylar quramyna ýaqytyly usynady.
12. KǴT mamandaryna oqý-jattyǵý jıyndaryn ótkizý kezinde KǴT-nyń josparlanǵan is-sharalaryn sapaly ótkizý úshin tıisti óndiristik jaǵdaılar jasalady.
13. KǴT basshysy tereńdetilgen keshendi tekseris TKT aıaqtalǵannan keıin 10 kún ishinde jáne kezeńdik keshendi tekseristen keıin KKT 5 kún ishinde Komıtetke jáne qurama komandanyń bas jattyqtyrýshysyna esep beredi.
Esep tekserý nátıjelerin sportshylar densaýlyǵynyń jaı-kúıi týraly jeke qorytyndylardy sportshylar daıyndyǵyn odan ári jetildirý týraly ǵylymı-ádistemelik jáne medısınalyq-bıologııalyq sıpatpaǵy usynymdardy qamtýy tıis.
14. KǴT quramyna mynadaı mamandar men uıymdar jumyldyrylady:
1) sport túrlerinen birlesken salalyq beıindegi mamandar (dene shynyqtyrý jáne sport jónindegi ǵylymı ınstıtýttar men joǵary oqý oryndarynyń ǵylymı-tehnıkalyq áleýeti bar basqa uıymdardyń bazasyndaǵy ýaqytsha ǵylymı ujymdar);
2) dárigerler, massaj jasaıtyn mamandar jáne sport túrlerinen Qazaqstan Respýblıkasy qurama komandalarynyń jattyqtyrýshylary;
3) medısınalyq tekserýlerdi, emdeý-aldyn alý jáne qalpyna keltirý is-sharalaryn ótkizý, trenajerlik-ólsheý stendterindegi sportshylardyń daıarlyq deńgeıin testileýdi júzege asyrý, baqylaýdyń bıohımııalyq, bıomehanıkalyq jáne basqa da túrlerin ótkizý úshin kelisim-shart boıynsha jumyldyrylǵan uıymdardyń, mekemeler men kásiporyndardyń mamandary.
3. Ǵylymı-ádistemelik qamtamasyz etý boıynsha KǴT jumysyn uıymdastyrý
15. Sportshylardyń daıarlyǵyn ǵylymı-ádistemelik qamtamasyz etý mynalardy qamtıdy:
1) sport túrlerinen Qazaqstan Respýblıkasy ulttyq qurama komandalarynyń múshelerin jáne myqty sheteldik sportshylar ishinen negizgi básekelesteri qatysqan sońǵy jarystardyń (belgili merzimde – bir jyl nemese tórt jyldyq sıkl) qorytyndylary boıynsha daıyndaý úderisterin taldaý;
2) sport túrindegi sporttyq jetistikterdiń deńgeıin boljaýǵa qatysý jáne Qazaqstan Respýblıkasy ulttyq qurama komandalarynyń sportshylary úshin maýsymynyń negizgi sórelerindegi sporttyq nátıjeniń deńgeıi boıynsha josparly kórsetkishterdi jáne barlyq daıarlyq kezeńderindegi osy deńgeılerge sáıkes daıarlyq sıpattamalaryn (normatıvtik kórsetkishterdi) anyqtaýǵa qatysý;
3) sportshylardyń daıarlaýdy josparlaýǵa qatysý;
4) sporttyq ǵylym derekterin taldaý jáne aldyńǵy qatardaǵy sporttyq tájirıbeni taratý, sporttyq daıarlyqtyń jańa quraldaryn ádisteri men quraldaryn anyqtaý;
5) sporttyq daıarlyq quraldarynyń jáne jańasyn eksperımentaldy anyqtaý jáne olardyń qoldanystaǵy ádisteri men tehnologııalaryn jetildirý;
6) ulttyq qurama komandalardyń tájirıbesinde jańa quraldardy, ádister men tehnologııalardy teńestirilgen qoldaný boıynsha usynymdardy ázirleý.
4. Medısınalyq-bıologııalyq qamtamasyz etý boıynsha KǴT jumysyn uıymdastyrý
16. Sportshylardyń daıarlyǵyn medısınalyq-bıologııalyq qamtamasyz etý mynalardy qamtıdy:
1) qurama komandalardyń sportshylaryn daıarlaý kezinde fýnksıonaldyq tamaqtanýdy uıymdastyrý jáne baqylaý;
2) daıyndalý kezeńderinde jáne jarys ýaqytynda Qazaqstan Respýblıkasy qurama komandalary sportshylarynyń bıologııalyq belsendi qospalardy (budan ári – BBQ) paıdalanýynyń jeke baǵdarlamalaryn ázirleý;
3) jattyǵý prosesterin túzetý boıynsha QǴT nusqaýlaryn oryndaýdy úılestirý.
17. Sportshylar men komandalardy daıarlaý úrdisin keshendi úılestirý mynadaı is-sharalardan turady:
1) stasıonarlyq jaǵdaıda ótkiziletin TKT;
2) aqparat alý úshin stasıonarlyq jaǵdaıda nemese oqý-jattyǵý jıyndary jaǵdaıynda ótkiziletin KKT;
3) sportshylar men komandalardyń jekelegen jaqtarynyń daıarlyq deńgeıi jáne daıarlyqtyń berilgen kezeńinde josparlanǵan kólemniń júzege asyrylý deńgeıi týraly aqparat daıyndaý.
18. AT oqý-jattyǵý jıyndarynda jaǵdaıynda jedel jáne sandyq sapaly aqparatty alý úshin ótkiziledi:
1) oryndalatyn jáne josparlanǵan jattyqtyrý jattyǵýlary tártipteriniń sáıkestigi týraly;
2) oryndalatyn jáne josparlanǵan jattyqtyrý jattyǵýlarynyń bıomehanıkalyq sıpattamalary boıynsha sáıkestigi týraly;
3) jattyqtyrý jattyǵýlary men sabaqtarynyń taktıkalyq jáne psıhologııalyq mindetterin iske asyrý deńgeıi týraly;
4) sportshynyń aǵymdaǵy fýnksıonaldyq jaı-kúıi deńgeıin jattyqtyrý mindet júktemesi shamasynyń deńgeıine barabarlyǵyn baǵalaý boıynsha;
5) sportshynyń aǵzasynyń jattyqtyrý júktemesine jaýap retinde (tez arada)beıimdelýiniń sıpaty men shamasy týraly (jattyqtyrý jattyǵýyna, jattyqtyrý sabaǵyna, jattyqtyrý kúnine, jattyqtyrýdyń shaǵyn sıkline arnalǵan mólsher-áser);
6) qalpyna keltirý is-sharalarynyń tıimdilik deńgeıi týraly;
7) sportshylar men komandalardyń jarystarǵa qatysqan jaǵdaıda jáne sport nátıjege qol jetkizýge jaýapty sportshylar men komandalar daıarlyǵynyń jekelegen jaqtarynyń deńgeıi týraly aqparat alýdy qamtamasyz etetin jarys qyzmetin tekserý nátıjeleri týraly.
Buıryq Qazaqstan Respýblıkasynyń Ádilet mınıstrliginde 2011 jylǵy 17 qazanda Normatıvtik quqyqtyq kesimderdi memlekettik tirkeýdiń tizilimine №7258 bolyp engizildi.