Aqtóbe qalasynda budan tup-týra bir jyl buryn «AKTOVE MEDISAL CENTER» ataýyn ıelengen medısınalyq klaster qurylǵan bolatyn.
Bul ortalyqtyń basty maqsaty elimizdiń batys óńirinde turatyn turǵyndarǵa sapaly medısınalyq qyzmet kórsetý bolyp otyr. Osy aıyryqsha qurylymda qarashanyń birinshi juldyzynan bastap ashyq esik kúnderi ótkizilip keledi. Izgilik pen qaıyrymdylyqqa toly shara aldymyzdaǵy 1 jeltoqsan tuńǵysh Prezıdent kúnine deıin sozylmaq.
- Bul bastama turǵyndar densaýlyǵyn nyǵaıtýdy kózdeıdi. Osy maqsatta olarǵa bilikti professorlar men tájirıbesi mol joǵary sanatty dárigerler tegin paıdaly keńester beredi. Osy múmkindikti qur jibergisi kelmeıtinder emdeý mekemeleri men dárigerlerdiń joldamasynsyz aýrýhanaǵa kelip, qaralýyna bolady. Biz bir aıǵa sozylatyn ashyq esik kúnin Tuńǵysh Prezıdent kúni qurmetine arnap otyrmyz dedi bas dárigeri Rýstem Isaev.
Buǵan qosarymyz medısınalyq klasterdiń basty bazasy ispettes ortalyq aýrýhanasy quramyna M.Ospanov atyndaǵy Aqtóbe Memlekettik medısına ýnıversıteti de kiretini. Onyń alty kafedrasynda medısına ǵylymdarynyń doktorlary men kandıdattary jáne bilikti professorlar jumys isteıdi. Bólim meńgerýshileriniń bári joǵary sanatty dárigerler. Bir súısinerligi ashyq esik kúnderinde turǵyndar osy mamandardyń kómekterin esh kedergisiz alyp júr.
Temir QUSAIYN, «Egemen Qazaqstan»