Jaqynda Parlament Májilisiniń Halyqaralyq ister, qorǵanys jáne qaýipsizdik komıteti Ońtústik Qazaqstan oblysynda kóshpeli otyrysyn ótkizdi, dep habarlady osy palatanyń baspasóz qyzmeti.
Otyrys aıasynda depýtattar UQK ShÁ «Ońtústik» О́ńirlik basqarmasynyń birqatar obektilerin aralap, áskerı bólimderiniń, «Jibek joly» kedendik beketiniń qyzmetterimen, Memlekettik shekaranyń ornalasý barysymen tanysty. Áskerı qyzmetshilermen kezdesý barysynda qyzmet ótkerýdiń jekelegen máseleleri qaraldy. Depýtattarǵa shekarashylardyń epıkırovkasy, qazirgi zamanǵy qarý, áskerı tehnıka úlgileri, sondaı-aq Memlekettik shekarany qorǵaýdyń tehnıkalyq quraldary kórsetildi.
Áskerı qyzmetshilerdi jáne olardyń otbasy múshelerin áleýmettik qorǵaýdyń, sondaı-aq qyzmet ótkerýdiń áleýmettik-turmystyq jaǵdaılarynyń deńgeıin zerdeleý úshin jekelegen áskerı bólimshelerdiń basshylyǵymen, sonymen qatar, UQK Shekara qyzmetiniń áskerı qyzmetshilerimen jáne azamattyq qyzmetshilerimen kezdesýler ótkizildi.
Sondaı-aq, Ońtústik Qazaqstan oblysynyń basshylyǵymen óńirdiń áleýmettik-ekonomıkalyq damýy máseleleri jaıly kezdesýler ótkizildi.
Májilistiń Halyqaralyq ister, qorǵanys jáne qaýipsizdik komıtetiniń bul sapary tórtinshi saılanǵan Parlament Májilisiniń ókilettikterin iske asyrýdyń besinshi sessııaǵa arnalǵan negizgi is-sharalar josparyna sáıkes júzege asyryldy.