«Vılıarreal» fýtbol klýbynyń bas bapkeri Haver Kaleha Eýropa lıgasynyń toptyq kezeńinde «Astana» komandasyna qarsy oıyn jaıly pikir bildirdi.
– Eń birinshi «Sevılıanyń» bas bapkeri Edýardo Berrısoniń qaýipti isik aýrýyna shaldyqqanyna qaıǵyryp otyrmyn. «Vılıarreal» komandasy onyń tezirek saýyǵyp ketýin tileımz.
– Alda «Sevılıaǵa» qarsy mańyzdy oıyn kútip tur. О́tken týrda «Atletıkpen» kúsh synastyńyzdar. Erteń negizgi quramda qandaı da bir ózgerister bolýy múmkin be?
– Oıymyzdyń bári ázirge erteńgi oıyn jaıly. «Sevılıa» týraly osy oıynnan keıin oılaıtyn bolamyz. Eýropa lıgasynda ońaı oıyn bolmaıtyny belgili. Negizgi quramda ózgerister bolýy ábden múmkin.
– «Makkabıdi» syrt alańda jeńe almaǵandaryńyzdyń sebebi nede?
– Bizge ol kezdesýde sáttilik jetispedi. Múmkindikterimiz bolǵan, biraq paıdalana almadyq.
– Bakambý erteń negizgi qurammen shyǵady ma? Qansha degenmen Eýropa lıgasynda jóndi kózge túse almaı júr.
– Bakambý shyǵady dep oılaımyn. Bizdi mańyzdy match kútip tur. «Astanany» jeńý úshin onyń kómegi bizge óte qajet.
– «Vılıarreal» oıynshylaryna eki eldegi aýa raıy, «Astana-Arenadaǵy» jasandy alań kedergi keltirmeı me?
– Ras, bizdiń jaǵdaıymyz azdap qıyndaý. Biraq úsh upaı ıelenýimiz kerek.
– Eger «Vılıarreal» erteń jeńiske jetse, pleı-offqa joldama alady. Al sońǵy týrdaǵy oıyn jaıly ne oılaısyz? Qanshalyqty mańyzdy bolmaq?
– Erteńgi basty maqsatymyz – jeńiske jetý. Ár oıyn biz úshin fınal sekildi. Sondyqtan barlyq oıynǵa basa nazar aýdarýymyz kerek.
– «Astanadan» qaı oıynshyny erekshe atap óter edińiz? Teń esep sizdi qanaǵattandyra ma?
– Men Djýnıor Kabanangany erekshe atap óter edim. Onyń jyldamdyǵy, drıblıngi bizge qıyndyq týdyrady. Ol «Astananyń» úzdik oıynshysy dep oılaımyn.
– Aýa raıynyń salqyndyǵy kedergi keltirmeı me?
– Biz kásibı adambyz. Sondyqtan barlyq qıyndyqty jeńýimiz kerek.
Aıta keteıik, «Astana» men «Vılıarreal» arasyndaǵy kezdesý erteń, ıaǵnı 23 qazan kúni «Astana-Arena» stadıonynda 22:00-de bastalady.
Aıan ÁBDÝÁLI, «Egemen Qazaqstan»