...QAZAQ – TÚRIK LISEII AShYLDY
Ertede ata-babamyz «Jeti jurttyń tilin bil, jeti túrli bilim bil» dep ósıet etken eken. Bul támsildiń máni ózgermeı, Elbasy jas urpaqqa básekege qabiletti bilim berý máselesine erekshe nazar aýdaryp, elimizde osy baǵyttaǵy jumys júıeli jalǵastyrylyp keledi. Sonyń dáleli, Talǵar aýdanynda tarıhy, dini men dili bir Túrkııa memleketiniń 6,5 mıllıon dollar ınvestısııa salýy nátıjesinde 320 orynǵa arnalǵan jańa bilim shańyraǵy paıdalanýǵa berildi.
Eki el arasyndaǵy ózara yntymaqtastyqqa altyn kópir bolǵan oqý ornynda balalar memlekettik tilmen qosa, túrik, aǵylshyn jáne orys tilderin oqýmen qatar, salamatty ómir saltyn qalyptastyrýǵa arnalǵan oryndarmen, qural-jabdyqtarmen jetkilikti qamtylǵan. Sport zal, basketbol, voleıbol alańdary da bar.
Oqý ornynyń jalpy aýmaǵy – 1,5 gektar. Onda úsh qabatty mektep, 280 tósektik jaıly jataqhana ornalasqan. Alǵashqy qabyldanǵan 110 bala shalǵaı eldi mekenderden kelgen talantty balalar jáne áleýmettik jaǵynan jetkiliksiz qamtylǵan otbasylarynan shyqqan jasóspirimder. Oqytý tegin, az qamtamasyz etilgen balalarǵa bilim berý qorynyń quryltaıshysy Zııandın Kasanovtyń kómegi de zor.
Jańa qazaq-túrik lıseıiniń ashylý saltanatyna Túrkııa Respýblıkasy Premer-mınıstriniń orynbasary Beker Bozdaǵ jáne basqa resmı adamdar qatysty.
Kúmisjan BAIJAN. Almaty oblysy.
* * *
...KО́LIKTER BERILDI
Ishki ister basqarmasyna qarasty jol polısııasy qyzmetkerleriniń jumys sapasyn jaqsartý maqsatynda zaman talabyna saı kólikter alý úshin bıyl oblys bıýdjetinen 111 mıllıon 578 myń teńge bólingen bolatyn. Iаǵnı, jol polısııasy qyzmetkerleri el Táýelsizdiginiń 20 jyldyǵy qarsańynda 50 kólikke qol jetkizdi. Qazir bul kólikterdiń barlyǵy da arnaıy baılanys quraldary – kompıýtermen, rasııa jáne GPS júıesi sııaqty jańa tehnıka jetistikterimen jabdyqtalǵan. Qyzmettik jańa kólikterge qol jetkizgen jol saqshylary arnaıy túrde jabdyqtalǵan qurylǵylardyń turǵyndar qaýipsizdigin saqtaýda, oblys ortalyǵynyń kóshelerinde júrgizýshiler tarapynan zań buzýshylyq deńgeıiniń tómendeýine áser etetinin aıtady.
Farıda BYQAI. Pavlodar.
* * *
...QAZANDYQ ISKE QOSYLDY
Qostanaı qalasynyń ońtústik bóligin jylýmen qamtamasyz etetin №3 jylý qazandyǵy iske qosyldy. Jańa qazandyqtyń qýaty 498 megaVattqa jetedi. Oǵan 90 metrlik munara-murja ornatyldy. Ol burynǵydaı kirpishten órilmegen, otqa tózimdi zamanaýı qurylys materıalynan jasalǵan. Qosymsha eki bý jáne úsh sý qazandyǵy da osy munara-murjany paıdalanady. Qazandyq qalanyń ońtústik bóligine beriletin jylýdy arttyra tústi. Ony basqarý avtomattandyrylǵan.
Qazandyq jobasyn júzege asyrýǵa bıýdjetten 1,2 mıllıard teńge bólindi. Osyǵan deıin Qostanaı qalasynyń ońtústik bóligine beriletin jylý jetkiliksiz bolatyn. Mamandardyń aıtýyna qaraǵanda, qazandyqtyń jylytý kólemin ulǵaıtqannan keıin turǵyndar jylýdan taryqpaıtyn bolady.
Názıra JÁRIMBETOVA. Qostanaı.