Soltústik Koreıa kezekti ret ballıstıkalyq raketasyn synaqtan ótkizdi.
О́z kezeginde AQSh-tyń qorǵanys mınıstri Djeıms Mettıs bul jolǵy qarýdyń ózgelerinen bıik ushyp, dúnıe júzine qanshalyqty qaýip týdyryp otyrǵanyn kórsetti dep qatań synǵa aldy.
Al BUU janyndaǵy AQSh-tyń turaqty ókili Nıkkı Heılı búkil álemniń Soltústik Koreıamen kez kelgen baılanysyn úzýge shaqyrdy.
Ońtústikkoreıalyq «Renhap» aqparat agenttigi raketanyń Phenan-Namdo provınsııasynan ushyrylǵanyn, ári 4500 km bıikke áýelep baryp, Japonııa teńizine qulaǵanyn habarlady. Al Kúnshyǵys eliniń bıligi zymyrannyń ushý ýaqyty 50 mınýtty quraǵanyn jetkizdi. Raketa Aomorı prefektýrasynyń jaǵalaýynan 210 shaqyrym qashyqtyqqa túsken. Bir ereksheligi ádettegideı Japonııa terrıtorııasynyń ústimen ótpegen.
BBC-diń aqpary boıynsha Donald Trampqa KHDR-diń áreketi zymyran áýege kóterilgen bette jetkizilgen. О́z kezeginde AQSh prezıdenti jaqyn arada óziniń ákimshiligi bul isti retteıtinin aıtty. Biraq qalaı rettemek? Soltústikkoreıalyqtar osyǵan deıin de talaı sanksııaǵa betbaqtyrmaǵan. Endi qandaı amal qoldanbaq!
Kım Chen Yn bastaǵan top ballıstıkalyq raketany sońǵy ret eki aı buryn synaqtan ótkizgen. Ol kezde raketa 770 km bıikke kóterilip, 3700 km qashyqtyqty baǵyndyrdy. Japonııanyń Hokkaıdo aralynyń ústinen ótip baryp Tynyq muhıtyna qulaǵan. Al osynyń aldynda, ıaǵnı qyrkúıektiń basynda KHDR basshylyǵy sýtegi bombasyn jasap, ballıstıkalyq raketaǵa jalǵaýǵa jaramdy ekenin habarlaǵan bolatyn.
Soltústik Koreıa qýaty kúshti qarýǵa kóńil bólgenmen, halqy ashtyqtan tentirep júr. Birer kún buryn BBC Japonııanyń Akıta prefektýrasy jaǵalaýyna jaqyn mańaıdan segiz adamnyń múrdesi bar qaıyq tabylǵanyn jazdy. «Kıoda» aqparat agenttigi Soltústik Koreıanyń balyqshylary bolýy múmkin degen boljam jasady. Sebebi, mundaı jaǵdaı Kúnshyǵys elinde jıi kezdesip turady eken. Máselen, ótken juma kúni segiz adamy bar aǵash qaıyq Iýrıhondze jaǵalaýyna júzip kelgen. Jolaýshylary din aman.
Jergilikti halyq mundaı sý kólikterine «eles qaıyq» degen ataý qoıyp alǵan. Qoldan jasalǵandyqtan eshqandaı navıgasııalyq qurylǵylary joq. Tıisinshe apatty jaǵdaıda kómekke shaqyra almaıdy.