Búgin «Astana» halyqaralyq qarjy ortalyǵynyń (AHQO) basqarýshysy Qaırat Kelimbetov Reseı Federasııasynyń memlekettik jáne bıznes ortasynyń ókilderimen kezdesti, dep habarlaıdy egemen.kz AHQO baspasóz qyzmetine silteme jasap.
Kezdesýge Reseı Federasııasynyń Qazaqstan Respýblıkasyndaǵy Tótenshe jáne О́kiletti Elshisi Mıhaıl Bocharnıkov ta qatysty.
«Reseı bıznesi AHQO usynatyn jańa ınvestısııalyq múmkindikterge zor qyzyǵýshylyq tanytyp otyr», dedi M.Bocharnıkov.
AHQO-ny damytýdyń negizgi strategııalyq baǵyttaryna kapıtal naryǵy, aktıvterdi basqarý, jeke tulǵalardyń dáýletin basqarý, ıslamdyq qarjylandyrý, qarjylyq tehnologııalar jáne jasyl qarjylandyrýdy jatqyzýǵa bolady.
«AHQO-nyń tabysqa jetýi kóbinese reseılik kompanııalardyń qatysýymen baılanysty, sondyqtan biz olardy qarjy ortalyǵy jumysynyń barlyq negizgi baǵyttaryndaǵy belsendi seriktesterimiz retinde kórgimiz keledi», dedi Q.Kelimbetov.
Kezdesý barysynda AHQO jáne Máskeý qor bırjasyn qosa alǵanda reseılik qarjy ortasynyń arasyndaǵy yntymaqtastyq máseleleri sóz boldy. Reseılik iri bıznes ókilderi AHQO qyzmetine zor qyzyǵýshylyq tanytyp, yntymaqtastyqqa múddeli ekendikterin bildirdi.