1 jeltoqsan kúni túngi 02:00 kezinde «Ertis ormany» memlekettik orman tabıǵı rezervatynyń memlekettik ınspektorlary Pavlodar oblysy Lebıaji aýdandyq IIO-nyń qyzmetkerlerimen birlese otyryp «Ertis ormany» MOTR Besqaraǵaı fılıalynyń Baıymbet ormanshylyǵy aýmaǵynda «Nıssan Patrol» avtokóligimen zańsyz ań aýlaǵan 4 adamdy ustady. Olardyń bireýi «Ertis ormany» MOTR Tabıǵı keshender men obektilerdi qorǵaý bóliminiń basshysy bolyp shyqty. Bul týraly QR Aýyl sharýashylyǵy mınıstrliginiń baspasóz qyzmeti habarlady.
Avtokólikten zańsyz atylǵan 1 bas bulan men 1 bas elik tabyldy. Brakonerlik top qoldanǵan qarýlarymen qosa Pavlodar oblysy Lebıaji aýdandyq Ishki ister organyna jetkizildi.
Qazirgi ýaqytta Lebıaji aýdandyq IIO qyzmetkerlerimen kináli tulǵalarǵa qatysty sotqa deıingi tergeý iamaldary júrgizilýde.