Taıaýda Semeıdiń Abaı teatrynda «Sáıgúlik saýyryndaǵy jyr» atty shyǵarmashylyq kesh jergilikti jurttyń rýhyn bir kóterip tastady. О́ńir rýhanııatyna ózindik úles qosyp kele jatqan belgili aqyn, bilikti jýrnalıst Qaırat Sabyrbaev poezııasy men óleńderine jazylǵan ánder tyńdarmanyn baýrady.
Qońyr keshte «Darıǵa-aı» jastar teatry aqynnyń aıtýly óleńderinen 3 bólimdi poezııalyq kompozısııa qoıdy. Áıgili aqyn Tynyshtyqbek Ábdikákimuly men Abaıdyń «Jıdebaı-Bórili» memlekettik qoryq-mýzeıiniń dırektory Bolat Júnisbekov «Dúldúlder dúbiri» kitabynyń tusaýyn kesip, kesh avtorynyń keýdesine «Abaı» medalin taqty. Ámire Qashaýbaev atyndaǵy oblystyq fılarmonııa ánshileri men «Kerbez» folklorlyq ansambli arnaıy óner kórsetti. Qazaqtyń áıgili ánshisi Baıan Saǵynbaeva men Berik Omarov bastaǵan Erkebulan Musaev, Zınýra Abdoldına syndy óner ıeleri aqyn sózine jazylǵan ánderdi shyrqady. Jergilikti kompozıtor Málik Eńsebaev jetekshilik etetin áskerı orkestr ónerpazdary úsh daýysta áýeletken ánder de ádemi shyqty. Qazaqtyń maıtalman gıtarısi, ánshi, akter Qadyrǵalı Kóbentaevtyń qońyr daýysy ortany tipten ajarlandyra tústi.
Mádenıet jáne sport mınıstrliginiń baǵdarlamasy boıynsha 5000 danamen jaryq kórgen kitaptyń respýblıka aýmaǵyna taraıtyndyǵy atqumar aqyndy arqalandyra túsken. Sol qýanyshyn jyrsúıer qaýymmen bólisýge asyq bolǵan Qaırat Zekenulynyń baspasóz salasyna uzaq jyl eńbek etkenin aıta ketken abzal.
Muratbek KENEMOLDIN
SEMEI