Osymen 75-ret uıymdastyrylǵan sharada eń úzdik dramalyq týyndy retinde Martın Makdonahtyń «Mıssýrı, Eb-bıng shekarasyndaǵy úsh jarnama taqtaıshasy» fılmi tanyldy, dep habarlaıdy 24.kz.
Al «Eń úzdik aktrısa» syılyǵy osy fılmde qyzynyń qazasyn tergeýdi qalaǵan Frensıs Makdormandqa buıyrdy.
«Drama janryndaǵy úzdik akter» marapatyn «Qıyn kezeń» týyndysynda Ýınston Cherchıldi somdaǵan Garı Old-man aldy.
«Eń úzdik rejısser» nomınasııasy boıynsha «Sýdyń pishini» fılmi úshin Gılermo del Toro marapattaldy.
Al bıyl nemis rejısseri Fatıh Akınniń lańkestik taqyrybyndaǵy fılmi «Shet tilindegi eń úzdik fılm» ataǵyna ıe boldy.
Aıta keteıik, «Altyn globýs» jyl saıyn Gollıvýdta akkredıttelgen sheteldik jýrnalıster qaýymdastyǵy taǵaıyndaıtyn, ataq jaǵynan «Oskarǵa» ǵana jol beretin syılyq. Ol úzdik kınematografııa men telebaǵdarlamalardy qamtıtyn 25 nomınasııa boıynsha beriledi. «Altyn globýs» marapattaý rásimi 1945 jyldan beri tabystalyp keledi.