Jańa sport nysany Qazaqstan Respýblıkasynyń eńbek sińirgen jattyqtyrýshysy Málik Súleımenovtyń qurmetine berildi, dep habarlaıdy Atyraý oblystyq óńirlik kommýnıkasııalar qyzmeti.
Samal móltek aýdanyndaǵy sport kesheni Qyzylqoǵa aýdanynyń perzenti, sport sheberi Aıbar Esenǵalıevtyń qarjylandyrýymen salynǵan. Sport mektebinde 34 jatyn bólmesi, 32 sportshy men eki jattyqtyrýshyǵa eseptelgen jattyǵý zaly, ashana, jýyný bólmesi jáne shynyǵý alańy bar. Zalǵa 6 jastan bastap qabyldaıdy bir ýaqytta 50 adam tatamıde djıý-djıtsýmen aınalysa alady.
Aıta keteıik, bul joba Memleket basshysynyń «Bolashaq baǵdar: rýhanı jańǵyrý» maqalasy aıasynda «Týǵan jer» baǵyty boıynsha júzege asyrylǵan.
- Bul qurylys 2015 jyly kóktemde bastaldy. Búgingi tańda qurylysy bitip, ashyldyq. Aldaǵy ýaqytta jastarymyzdy sport keshenine jattyǵýǵa shaqyramyz. Oblys sportshylarynyń sheberligin arttyrýǵa birden-bir úles qosatyn zal bolady dep esepteımiz, - deıdi Aıbar Esenǵalıev.
Eske salsaq, ótken jyly oblysta 35 sporttyq nysan paıdalanýǵa berilgen bolatyn. Málik Súleımenov atyndaǵy sport kesheni 2018 jyly ashylǵan alǵashqy sporttyq nysan bolyp otyr.