Tórtjyldyqtyń basty dodasy Ońtústik Koreıanyń Phenchhan qalasynda ótetin XXIII Olımpıada oıyndaryna Qazaqstan quramasy 57 joldamaǵa ıe boldy. Bul týraly QR Sport komıtetiniń baspasóz qyzmeti resmı túrde habarlady.
Búgin Qazaqstan Ulttyq quramasynyń Olımpıadaǵa jeńip alǵan joldamalar sany tolyǵymen anyqtaldy. Qazirgi ýaqytta qurama enshisinde 57 joldama bar. Olar bıatlonnan - 10, mánerlep syrǵanaý - 3, short-trek - 12, konkımen syrǵanaý - 12, shańǵy jarysy - 7, frıstaıl-mogýl-4, frıstaıl-akrobatıka-5, taý shańǵy sporty-2, tramplınnen sekirý-1, shańǵy sporty -1. Alǵashqy bolyp Olımpıada qalashyǵyna bıatlonıster kiredi.
Esterińizge sala ketsek, HHIII Qysqy Olımpıada oıyndary 9-25 aqpan aralyǵynda Ońtústik Koreıanyń Phıonchhan qalasynda ótedi. Oǵan 95 memleketten 2 900 sportshy men resmı ókilder qatysady dep josparlanýda.