О́tken jyly Astana qalasynyń Jastar saıasaty máseleleri basqarmasy Elbasynyń «Bolashaqqa baǵdar: rýhanı jańǵyrý» baǵdarlamasy aıasynda «Memlekettik rámizder – maqtanyshym!» jáne «Máńgilik el – muratym!» taqyrybynda Qazaqstan Respýblıkasy memlekettik rámizderiniń 25 jyldyǵyna arnalǵan Astana qalalyq jas aqyndar músháırasyn ótkizgen bolatyn.
Músháıraǵa elimizdiń óńirlerinen 200-ge jýyq jas aqyn qatysyp, músháıra jeńimpazdaryn aqyn Nesipbek Aıtuly, QR Májilis depýtaty Baqytbek Smaǵul, qoǵam qaıratkeri Orazkúl Asanǵazy, óner qaıratkeri Nurlan О́nerbaev, aqyn Qalqaman Sarın jáne basqa da belgili qoǵam qaıratkerleri marapattaǵan. Qorytyndy boıynsha úzdik 30 aqynnyń óleńderi kitap bolyp jaryqqa shyǵarylǵan.
Astana qalasy ákimdiginiń Jastar saıasaty máseleleri basqarmasy aqyndar múshaırasyn osy jyly da ótkizýdi josparlaýda. Biraq osy jylǵy shara elimizdiń bas qalasy Astana qalasynyń jıyrma jyldyq mereıtoıyna arnalady.
«Músháıranyń alǵash ret ótkizilgenin jáne mańyzdylyǵyn eskere otyryp, osy jyldan bastap dástúrli túrde ótkizemiz degen oıdamyz, sonymen qatar, kelesi músháıra Elordanyń 20 jyldyq mereıtoıyna arnalatyn bolady», - dedi Jastar saıasaty máseleleri basqarmasynyń bas mamany Aqulan Tastemir.