Ońtústik Qazaqstan oblysynda byltyr «Nurly jer» baǵdarlamasy aıasynda 721,1 myń sharshy metr turǵyn úı tapsyryldy. Bul 2016 jylmen salystyrǵanda 36,2 paıyzǵa ósip otyrǵandyǵyn kórsetedi.
Bul týraly OQO óńirlik kommýnıkasııalar qyzmetinde ótken brıfıngte oblystyq qurylys basqarmasynyń basshysy Quttybek Jamashev aıtty.
- Bıyl oblys aýmaǵynda jalpy respýblıkalyq jáne oblystyq bıýdjetten baǵyttalǵan 52,5 mlrd. teńgege jalpy 186 ınvestısııalyq jobanyń qurylysyn iske asyrý josparlanýda. Sondaı-aq, ótken jyly jospardaǵy 233 nysannyń 115-i paıdalanýǵa berildi. Qalǵan 118 nysan 2018 jylǵa ótpeli. Ulttyq qordan «Nurly jol» memlekettik baǵdarlamasy aıasynda 35 bilim berý nysanynyń qurylysy júrgizilip, jyl qorytyndysymen 20 mektep paıdalanýǵa tapsyryldy. Qalǵan 15 mektep 2018 jylǵa ótpeli, - dedi Quttybek Rahmatýllauly.
Baqtııar TAIJAN
«Egemen Qazaqstan»
Ońtústik Qazaqstan oblysy