«Sparta Nomad» kóńildi tapqyrlar klýby almatylyq jankúıerlerimen kezdesti

Jıyrma jyl boıy joǵary lıgada básekege túsip, 2017 jyl­dyń so­ńynda jeńimpazdardyń tuǵy­ryna kóterilgenin bilemiz. Osylaısha «Sparta NOMAD» KTK komandasy úshin ótken jyl ol­jaly aıaqtaldy. Jerlesterimiz KTK-nyń Joǵary lıgasynda birinshi oryn alyp, aqyry Aıdy aspanǵa shyǵardy. Atalmysh komandanyń bul jeńisi bir jaǵy­nan Táýelsizdik kúnimen oraılasyp, otandastar úshin tosyn syı boldy. 

Ne desek te «Sparta NOMAD» kóńildi tapqyrlar klýbynyń eń joǵarǵy ataǵyn alǵash ret ıelengen komanda bolyp qala bermek. Qazaqstandyqtar bul jeńisti 17 jyl boıy kútken edi!

Oraıy kelip turǵanda asta­nalyq KTK komandasy 2015-2016 jyldary KTK Joǵary lıga­synyń máresine shyǵyp, ót­ken jyly Svetlogorskiniń Altyn qalasynda Úlken KıVıN ıeger­leri atandy. 

Almatydaǵy jankúıer­le­rimen kezdesýge Se­rik­jan Ne­sip­baev, Danııar Ju­ma­dilov, Al­maz Nurtaza, Dı­dar Jek­se­kov, Oljas Rymbaev, Er­ke­bulan Myr­zabek, Baýyrjan Oma­rov, Artem Prımak, Gúlnara Seıil­baeva men Qumar Luqmanov keldi. 

Kóńildi tapqyrlar birden beı­resmı áńgimege kóshýdi usyn­dy. Zalda otyrǵandar olardy suraqtardyń astynda qaldyrdy dese de bolady. Árıne jeńis taqyryby da qalys qalǵan joq. 

Jankúıerlerdi ásirese, ke­le­shek týraly suraqtar qy­zyq­tyrdy. Serikjan Nesipbaev ke­le­si jyly qazaqstandyq KTK lıgasynyń qaıta qalpyna kele­tinine ýáde berip, «Ázirge shaǵyn, tájirıbelik formatta qurylsa da, lıga bolady» dep málimdedi.

Aınash ESALI, «Egemen Qazaqstan»

ALMATY