7 aqpan kúni Astana ýaqytymen túngi saǵat 2:45-te amerıkalyq Space X kompanııasynyń ıesi Ilon Mask Falcon Heavy atty aýyr zymyrandy alǵash ret ǵaryshqa ushyrdy, dep habarlaıdy BBC aqparattyq agenttigi.
Falcon Heavy Florıdanyń Kennedı ǵarysh ortalyǵyndaǵy ushyrý kesheninen ǵaryshqa sátti kóterildi. Bul - álemdegi eń qýatty jáne eń kóp júk kótere alatyn zymyran. Atalǵan zymyran orbıtaǵa ózimen 64 tonna júk kótere alady, al Marsqa 17 tonnalyq júkti jetkizýge múmkindigi bar. Space X kompanııasy ókilderi «oske túsetin osynshama salmaq pen qysymdy eskersek, Falcon Heavy bolashaqta adamdardy Marsqa apara alady» dep aıtqan bolatyn. Sonymen birge, áýe kemesiniń bortyna Ilon Masktyń Tesla Roadster sporttyq kóligi ornatylyp, skafandr kıgen qýyrshaq adam otyrǵyzylǵan.
Zymyran áýege ushyrylǵan soń, shamamen segiz mınýttan keıin onyń eki jaǵyndaǵy údetkish blogy Jerge oralyp, Kanaveral múıisine jaqyn áýe kúshteri stansııasyna qonǵan bolatyn. Sonymen qatar, Space X kompanııasy zymyrannyń údetkish bloktaryn ekinshi ret ǵaryshqa ushyrýdy josparlap otyr. Eger bul oıdaǵydaı júzege assa, onda ǵaryshqa ushý men júk jetkizý baǵasy arzandaýy múmkin.
2017 jyldyń mamyr aıynda SpaceX Falcon Heavy aýyr zymyran tasyǵyshynyń ortalyq blogyn synaqtan ótkizgen bolatyn.