2026 jylǵy 5 mamyr kúni Abaı Qunanbaıuly atyndaǵy №87 mektep-gımnazııasynda ótken «Profi Day» mamandyqtar jármeńkesi joǵary deńgeıde uıymdastyrylyp, óz maqsatyna tolyq jetken mazmundy ári taǵylymdy is-shara boldy, dep habarlaıdy Egemen.kz.
Atalǵan sharaǵa «Shıpager» medısınalyq kolledji, Qaztutynýodaǵynyń joǵary kolledji, «Smart Bala» jobasy, Abaı mýzeıi, «Abaı» kitaphanasy jáne basqa da oqý oryndary men uıymdar belsendi qatysyp, oqýshylarǵa kásibı baǵdar berýde zor úles qosty. Sonymen qatar kınolog, músinshi, dızaıner, psıholog, órt sóndirýshi syndy túrli sala mamandary óz tájirıbelerimen bólisip, mamandyqtyń qyr-syrymen tanystyrdy.
Is-shara barysynda «AQ» stýdııalary, «87 band» mýzykalyq toby, «AQ» bı ujymy, aýdıo stýdııa, «Jasyl mektep» jylyjaı jobasy, «Zerdeli zeıin» baǵyty jáne «Sheberdiń qoly altyn» qolóner alańy óz jumystaryn usynyp, oqýshylardyń qyzyǵýshylyǵyn arttyrdy. Árbir alańda jasalǵan sheberlik sabaqtary men ınteraktıvti tanystyrylymdar bilim alýshylarǵa naqty daǵdylardy kórip, bolashaq mamandyǵyn sanaly tańdaýǵa múmkindik berdi.
Smart Grid men JI-ınjenerleri: Elimizde jańa mamandyqtar paıda boladyOsyndaı mańyzdy is-sharanyń joǵary deńgeıde ótýine úles qosqan barlyq oqý oryndaryna, mamandarǵa, ata-analarǵa jáne seriktesterge shynaıy alǵysymyzdy bildiremiz. Sizderdiń qoldaýlaryńyz – óskeleń urpaqtyń jarqyn bolashaǵyna jasalǵan úlken ınvestısııa.
Búgingi oqýshy – erteńgi bilikti maman. Sondyqtan jas urpaqtyń óz jolyn durys tańdap, el damýyna úles qosatyn kásibı tulǵa bolyp qalyptasýy – barshamyzdyń ortaq mindetimiz.