Búgin, 2026 jylǵy 25 mamyrda Qazaqstan Densaýlyq saqtaý mınıstrliginiń Sanıtarııalyq-epıdemıologııalyq baqylaý komıteti (SEBK) Qurban aıt meıramyn qaýipsiz ótkizý jáne taǵamnan ýlanýdyń aldyn alý joldary týraly aıtty, dep habarlaıdy Egemen.kz
Osyǵan baılanysty sanıtar dárigerler qazaqstandyqtarǵa arnaıy eskertý jasady.
Astanada Qurbandyq shalý rásimi ótetin oryndar belgilendi
«Qasıetti Qurban aıt merekesi qarsańynda turǵyndarǵa mal satý, soıý jáne taǵam daıyndaý kezinde sanıtarııalyq-epıdemıologııalyq talaptardy saqtaý qajettigin eske salamyz. Habardar bolý – taǵamnan ýlanýdyń, jiti ishek ınfeksııalary men asa qaýipti juqpaly aýrýlardyń aldyn alýǵa kómektesedi», – delingen habarlamada.
Komıtet ókilderiniń aıtýynsha, mal satý jáne soıý kezinde:
maldy tek arnaıy belgilengen oryndardan alý jáne qurbandyqqa shalý; janýarlarda veterınarııalyq qujattardyń bolýy; soıý oryndarynda sanıtarııalyq talaptardy saqtaý, ıaǵnı sý, káriz júıesiniń bolýy jáne qaldyqtardy ýaqytyly shyǵarý men joıý; qyzmetkerlerdiń medısınalyq kitapshalarynyń bolýy jáne jeke gıgıenany saqtaýy mindetti.Sanıtar dáriger úı jaǵdaıynda keńes beredi:
qoldy jýýǵa jaǵdaıdyń bolýy; turaqty túrde et turǵan bólmege aýa kirýin qamtamasyz etý; ónimderdi tek qaýipsizdigin rastaıtyn qujattary bar senimdi oryndardan satyp alýdy; úıde daıyndalǵan konservilerdi qoldanar aldynda 15-20 mınýt termııalyq óńdeýden ótkizýdi; tez buzylatyn taǵamdardy daıyndalǵannan keıin birden tutynýdy jáne saqtaý tártibi buzylǵan jaǵdaıda saqtamaýdy; juqpaly nemese teri aýrýlarynyń belgileri bar adamdardy as daıyndaýǵa jibermeýdi usynady.Al qoǵamdyq tamaqtaný oryndary men meshitterde:
úzdiksiz ystyq jáne sýyq sý júıesi; qol jýý jáne keptirý quraldary; jeldetý men kondısıoner júıeleriniń durys jumys isteýi; azyq-túlikke qatysty qujattardyń bolýy; sanıtarııalyq talaptardyń saqtalýy; qyzmetkerlerdiń medısınalyq kitapshalary jáne kúndelikti aýysym aldyndaǵy medısınalyq tekseristen ótýi qamtamasyz etilýi tıis.«Sanıtarııalyq talaptardy saqtamaý taǵamnan ýlanýǵa jáne juqpaly aýrýlardyń taralýyna ákelýi múmkin», – dep eskertti sanıtar dárigerler.
Qurban aıt qarsańynda Qazaqstanda qoı baǵasy qansha turatyny týraly aqparatty osy jerden bilýge bolady.