Elimizde qashyqtan jumys isteıtin qandaı mamandarǵa suranys joǵary?

Soǵan qaramastan, eńbek naryǵynda qashyqtan jumys isteýge múmkindik beretin mamandyqtarǵa suranys saqtalyp otyr. HeadHunter Kazakhstan deregine sáıkes, 20 mamyrdaǵy 36,3 myń vakansııanyń 1,7 myńy nemese 4,5%-y qashyqtan jumys formatyn usynǵan. Onlaın formattaǵy vakansııalardyń eń kóbi IT salasyna tıesili – jalpy usynystyń 23,9%-y. Budan keıin bızneske qyzmet kórsetý jáne bólshek saýda salalary tur.

Onlaın qurban shalýǵa arnalǵan arnaıy saıt iske qosyldy

Qashyqtan jumys oryndarynyń 77%-y Almaty men Astanada shoǵyrlanǵan. Kóbine kompanııalar satý menedjerlerin, tehnıkalyq qoldaý mamandaryn jáne baǵdarlamashylardy izdeıdi.

Eń suranysqa ıe mamandyq – satý menedjeri. Bul baǵytta 290 vakansııa jarııalanǵan. Ortasha jalaqy 501,5 myń teńgeden asady.

Call-ortalyq qyzmetkerleri men IT mamandaryna da suranys joǵary. IT salasynda qashyqtan jumys isteıtinderdiń aılyǵy 100 myńnan 800 myń teńgege deıin jetedi.

Endi jeke kásipkerlik ataýyn onlaın aýystyrýǵa bolady

Sarapshylardyń aıtýynsha, jumys berýshiler úshin dıplomnan buryn naqty tájirıbe men kásibı daǵdy mańyzdy. Vakansııalardyń basym bóligi 1-3 jyl tájirıbesi bar mamandarǵa arnalǵan. Sonymen qatar qashyqtan jumys usynatyn kompanııalardyń 78%-y qyzmetkerdi tolyq jumys kúnine qabyldaýǵa múddeli.