Reseı prezıdenti Vladımır Pýtın Qazaqstanǵa memlekettik sapary aıasynda 25-29 mamyr aralyǵynda Astana qalasynyń keıbir kóshelerinde kólik qozǵalysyna ýaqytsha shekteýler engiziledi. Bul týraly Memlekettik kúzet qyzmeti málimdedi, dep habarlaıdy Egemen.kz.
Is-sharalardy ótkizý kezinde arnaıy memlekettik jáne quqyq qorǵaý organdarynyń, sondaı-aq Qarýly kúshterdiń resýrstary, onyń ishinde áskerı avıasııa men tehnıka paıdalanylatyn bolady. Sonymen qatar osy kúnderi Qorǵanys mınıstrliginiń joıǵysh avıasııasy Astana aspanynda ushyp ótedi.
«Mańyzdy halyqaralyq deńgeıdegi is-shara kezinde qaýipsizdikti qamtamasyz etý sharalaryna turǵyndar men qala qonaqtarynyń túsinistikpen qaraýyn suraımyz», delingen Memlekettik kúzet qyzmetiniń habarlamasynda.
Aıta keteıik, 27-29 mamyr aralyǵynda Qazaqstan Prezıdenti Qasym-Jomart Toqaevtyń shaqyrýymen Reseı Federasııasynyń prezıdenti Vladımır Pýtın memlekettik saparmen keledi.
Kelissózder barysynda memleket basshylary Qazaqstan men Reseı arasyndaǵy keńeıtilgen strategııalyq seriktestik pen odaqtastyq qatynastardy nyǵaıtýdyń qazirgi jaǵdaıy men bolashaǵyn talqylaıdy.
28 mamyr kúni Eýrazııalyq ekonomıkalyq odaqqa múshe memleketter basshylarynyń qatysýymen Eýrazııalyq ekonomıkalyq forým ótedi.
29 mamyrda Joǵary Eýrazııalyq ekonomıkalyq keńestiń otyrysy josparlanǵan.