Prezıdent Qasym-Jomart Toqaevtyń Halyqaralyq volonterler jylyn ótkizý jónindegi bastamasy álem elderin ortaq maqsat tóńiregine toptastyryp, qoǵam belsendiliginiń artýyna serpin berdi, dep habarlaıdy Egemen.kz.
Afrıka elderinde volonterlik qozǵalysty damytýǵa jáne halyqaralyq baılanysty arttyrýǵa baǵyttalǵan túrli is-sharalar uıymdastyrylyp jatyr.
Ataýly jyl aıasynda Marokkoda «Chantiers Jeunesse Maroc» uıymy volonterlerge arnalǵan ulttyq oqytý sessııasyn ótkizdi. Eldiń ár óńirinen jınalǵan qatysýshylar kóshbasshylyq, jobalardy basqarý jáne áleýmettik bastamalar tóńireginde pikir almasty.
Al Senegalda «Dakar 2026 Youth Olympic Games» oıyndaryna daıyndyq sheńberinde balalarǵa arnalǵan is-shara ótti. Volonterlerdiń qatysýymen uıymdastyrylǵan sporttyq jáne tanymdyq baǵdarlamalar jastardy ortaq iske jumyla bilýge baǵyttap, salaýatty ómir saltynyń mańyzyn dáripteı tústi. Atalǵan is-sharalar Halyqaralyq volonterler jyly – 2026 bastamasynyń volonterlik mádenıetti nyǵaıtý men turaqty damý qundylyqtaryn ilgeriletetin jahandyq alańǵa aınalyp kele jatqanyn aıqyndady.
Aıta keteıik, BUU Bas Assambleıasy 2026 jyldy turaqty damý maqsatynda Halyqaralyq volonterler jyly dep jarııalaǵan bolatyn.
Buǵan deıin Irlandııada Halyqaralyq volonterler jyly aıasynda «26 for 26» aksııasy bastalǵany týraly jazdyq.