Atyraýda ıtke qatygezdik tanytqan áıelge qatysty sot sheshimi jarııalandy, dep jazady Egemen.kz.
Esterińizge sala ketsek, bıylǵy naýryz aıynyń sońynda áleýmettik jelide taraǵan beınejazba qoǵamnyń narazylyǵyn týdyrǵan edi. Beıneúzindide áıel adamnyń baılaýly turǵan ıtti kúrekpen aıaýsyz uryp jatqan sáti taspalanǵan. Sot ony janýarǵa qasaqana qatygezdik kórsetip, aýyr jaraqat salǵany úshin kináli dep tanydy.
Janýarlarǵa qatygezdik kórsetkender 5 jylǵa deıin bas bostandyǵynan aıyrylýy múmkin
Veterınar mamandardyń qorytyndysyna sáıkes, Gerda esimdi ıttiń denesinde kólemdi gematomalar, jumsaq tinderdiń isinýi jáne ózge de jaraqattar anyqtalǵan. Sarapshylar janýardyń jaǵdaıyn ortasha aýyr deńgeıde dep baǵalaǵan.
Elimizde úı janýaryn qaraýsyz qaldyrǵandarǵa aıyppul engiziledi
Sot barysynda áıel kinásin jartylaı moıyndap, jazany jeńildetýdi surady. Úkim shyǵarý kezinde sot onyń materıaldyq jaǵdaıyn jáne kámeletke tolmaǵan bala tárbıelep otyrǵanyn eskerdi. Nátıjesinde áıelge 100 saǵat qoǵamdyq jumysqa tartý jazasy taǵaıyndaldy.
Janýarlardy qorǵaý jáne qoǵam qaýipsizdigi: Qańǵybas ıtterdiń shabýylyna qalaı tosqaýyl qoıamyz?