Aqtóbe qalasynda qoqys jáshiginiń mańynan jańa týǵan náreste tabyldy. Paket ishinde jatqan sábıdiń jylaǵan daýysyn kezdeısoq ótip bara jatqan adamdar estip qalyp, polısııaǵa habar bergen, dep habarlaıdy Egemen.kz.
Oqıǵa ornyna jetken tártip saqshylary jedel járdem qyzmetin shaqyryp, shaqalaq shuǵyl túrde qalalyq balalar aýrýhanasyna jetkizilgen.
«Jańa týǵan náreste jedel járdemmen paket ishinde jetkizildi. Onyń kindik baýy men joldasy bolǵan. Salmaǵy shamamen 3 keli bolatyn ul balanyń dene temperatýrasy tómen, ómirlik kórsetkishteri álsiz bolǵandyqtan reanımasııa bólimine jatqyzyldy. Qazirgi jaǵdaıy aýyr, biraq turaqty. Barlyq qajetti em-dom kórsetilip jatyr», delingen qalalyq balalar aýrýhanasynyń habarlamasynda.
Aqtóbe oblystyq polısııa departamenti balanyń anasyn anyqtaý jáne izdestirý jumystaryn bastaǵanyn habarlady.
Qosshyda jol jıeginen náresteniń máıiti tabyldy
Eske sala keteıik, buǵan deıin Pavlodar oblysynda jańa týǵan sábıin satpaq bolǵan áıeldiń ustalǵanyn jazǵan bolatynbyz.