Meksıkalyq Saýl Alvares Egıpettiń Gıza qalasynda ótken boks keshinde Qazaqstannyń ataqty boksshysy Gennadıı Golovkınmen kezdesti. Buryn rıngte bir-birine qarsy turǵan qos sańlaq bul joly erkin formatta júzdesken, dep habarlaıdy Egemen.kz.
Kanelonyń aıtýynsha, olar ótken jekpe-jekterdi eske alyp, túrli oqıǵalardy sóz etken.
«Biz estelikterimizdi aıtyp, jaqsy áńgimelestik. Aramyzda úsh keremet aıqas ótti. Onymen bir rıngte bolǵanyma qýanyshtymyn. Qazir erkin sóılese alamyz», dedi meksıkalyq boksshy.
Sondaı-aq Saýl Alvares Gennadıı Golovkınniń kásipqoı boksqa qaıta oralýy múmkin ekenin aıtty.
«Ol ne isteıtinin ózi sheshedi. Menińshe, buǵan ábden laıyq. Eger taǵy bir jekpe-jek ótkizemin dese, bul jaqsy sheshim bolady», dedi Kanelo.
Eske salaıyq, Gennadıı Golovkın kásipqoı bokstaǵy sońǵy kezdesýin Kaneloǵa qarsy ótkizgen edi. 2022 jyldyń qyrkúıeginde ótken úshinshi aıqasta meksıkalyq tóreshiler sheshimimen jeńiske jetti. Úsh kezdesýdiń qorytyndysynda bir teń nátıje tirkelse, eki jekpe-jekte Kanelo basym tústi.
Golovkın qoshtasý jekpe-jegin Qazaqstanda ótkize me?
Golovkın kásipqoı bokspen qoshtasqan joqGennadıı Golovkın – WBC, IBO, IBF jáne WBO tujyrymdary boıynsha orta salmaqta álem chempıony atanǵan tarıhı tulǵa. Ol kásipqoı rıngte 45 jekpe-jek ótkizip, sonyń 42-sinde jeńiske jetti. Tek eki ret qana Kaneloǵa tóreshiler sheshimimen ese jiberdi.
2024 jyly Qazaqstan Ulttyq Olımpıada komıteti prezıdenti qyzmetine taǵaıyndalǵan Golovkın 2025 jyly World Boxing uıymynyń basshysy boldy.
Golovkın prezıdent bolsa...
Qazaqstan boksshysy mansabyn aıaqtaǵanyn resmı túrde áli málimdegen joq.
Buǵan deıin Djekı Chan, Gennadıı Golovkın jáne Mıhaıl Shaıdorov Mılanda kezdeskeni týraly habarlanǵan edi.