Shyǵys Qazaqstan oblysynyń Kúrshim aýdanynda zańsyz altyn óndirip kelgender anyqtaldy. Oblystyq prokýratýranyń málimetinshe, qazba jumystary «Kólshilik» ýchaskesinde júrgizilgen, dep habarlaıdy Egemen.kz.
Tekserý aýdan prokýratýrasy, UQK departamenti jáne Kúrshim orman sharýashylyǵy qyzmetkerleriniń birlesken reıdi kezinde anyqtalǵan. Kúdiktiler paıdaly qazbalardy aýyr tehnıka men spýtnıktik baılanys quraldaryn paıdalanyp óndirgen.
Oqıǵa ornynda tórt adam ustaldy. Olardyń arasynda Qazaqstan aýmaǵynda zańsyz júrgen О́zbekstan azamaty da bar.
Túrkistan óńirinde zańsyz altyn óndirgen 12 kúdikti ustaldy
Kúdiktilerden shynjyr tabandy ekskavator, avtokólik, motosıkl, qymbat metall izdegishter, qol quraldary jáne ózge de jabdyqtar tárkilendi.
Atalǵan derek boıynsha Qylmystyq kodekstiń 295-1-baby – «Baǵaly metaldardyń zańsyz aınalymy» boıynsha is qozǵaldy. Tergeý jalǵasyp jatyr.