Fılıppınde salynyp jatqan kópqabatty ǵımarattyń qulaýy saldarynan 3 adam qaza tapty. Qutqarýshylar úıindi astynan taǵy 2 adamdy alyp shyqqan. Al 17 adam iz-túzsiz joǵalǵandar qatarynda. Izdestirý-qutqarý jumystary jalǵasyp jatyr, dep jazady Egemen.kz.
Qazir bılik kópqabatty ǵımarattyń opyrylýyna ne sebep bolǵanyn anyqtap jatyr. Qutqarýshylar qırandylar astynda qalǵan taǵy bir adamnyń denesin shyǵarýǵa áreket etýde.
Fılıppın astanasynda myńnan astam ǵımarat órtendi
Mamandar arnaıy qurylǵylar arqyly úıindi astynan tynys alý men júrek soǵysynyń belgilerin tirkegen. Sondyqtan qıraǵan nysan astynda áli de adamdar bolýy múmkin degen boljam bar.
Iz-túzsiz joǵalǵan 17 adamnyń basym bóligi – qurylys alańynda jumys istegen jumysshylar.
Qutqarý jumystarynyń baıaý júrýi joǵalǵandardyń týystarynyń narazylyǵyn kúsheıtken. Bir turǵyn kúıeýiniń taǵdyryna qatysty naqty aqparat ala almaı otyrǵanyn aıtsa, baýyry men jeńgesi joǵalǵan taǵy bir turǵyn bıliktiń aqparatty der kezinde bermeı otyrǵanyna narazy ekenin aıtqan.
Buǵan deıin Fılıppınde ǵımarat qırap, ondaǵan adam úıindi astynda qalǵany týraly habarlaǵanbyz.