Amerıkalyq GE Aerospace kompanııasy jasandy ıntellekt arqyly gıperdybysty qozǵaltqyshty jasap shyǵardy, dep habarlaıdy Egemen.kz.
Kompanııa dereginshe, jańa júıe buryn birneshe aıǵa sozylatyn ınjenerlik esepteýlerdiń ornyna birer sekýnd ishinde qozǵaltqyshtyń aldyn ala syzbalaryn jasaı alady.
Mundaı qozǵaltqyshtar avıasııadaǵy eń kúrdeli júıelerdiń biri sanalady. Sebebi olar óte joǵary jyldamdyqta jumys istep, temperatýra, aýa aǵyny jáne ushý parametrlerin asa dál esepteýdi talap etedi.
Kompanııa mamandarynyń aıtýynsha, jasandy ıntellekt bir ýaqytta ártúrli jumys rejımderin taldap, júzdegen konstrýksııalyq nusqalardy avtomatty túrde usynady. Keıin bul nusqalardyń tehnıkalyq talaptarǵa sáıkestigi tekseriledi.
Ispanııada La Lıga tóreshileriniń jumysyn jasandy ıntellekt baǵalaıdy
Joba alǵashqy qaýipsizdik parametrleri boıynsha aldyn ala synaqtan ótken. Startaperler bul tehnologııany tek gıperdybysty jobalarda ǵana emes, azamattyq avıasııada da qoldanýdy josparlap otyrǵanyn jetkizdi.
Eske sala keteıik, buǵan deıin tarazdyq oqýshynyń JI arqyly qaterli isikti anyqtaýǵa arnalǵan joba ázirlep shyǵarǵanyn jazǵan bolatynbyz.