Astanada mańyzdy qoǵamdyq-saıası is-sharalar qarsańynda qoǵamdyq tártip pen qaýipsizdikti qamtamasyz etý sharalary kúsheıtildi. Osyǵan baılanysty Ulttyq ulannyń №5573 áskerı bóliminde polısııa qyzmetkerleri men Ulttyq ulan sarbazdarynyń jalpy garnızondyq saptyq jıyny ótti, dep habarlaıdy Egemen.kz.
Is-sharaǵa Astana qalasy polısııa departamentiniń bastyǵy Marat Tólebaev, IIM Ákimshilik polısııa komıtetiniń tóraǵasy Murat Qabdenov jáne IIM Arnaıy kúshter men jedel basqarý departamentiniń bastyǵy Sabyr Júsipbekov qatysty.
Jıynnyń maqsaty – jeke quramnyń qoǵamdyq tártipti saqtaý, azamattardyń qaýipsizdigin qamtamasyz etý jáne jol qozǵalysy qaýipsizdigin baqylaý boıynsha daıyndyǵyn tekserý.
Zeınetaqy shegin kóterý jobasy qoǵamdyq talqylaýda qoldaý tappady
Is-shara barysynda polısııa qyzmetkerleri men Ulttyq ulan áskerı qyzmetshilerine elorda aýmaǵyndaǵy qaýipsizdikti kúsheıtý, quqyq buzýshylyqtarǵa jedel áreket etý, joldaǵy qaýipsizdik deńgeıin arttyrý jáne turǵyndar arasynda profılaktıkalyq jumysty jandandyrý jóninde naqty mindetter júkteldi.
Sondaı-aq azamattar kóp jınalatyn oryndardaǵy tártipti qamtamasyz etýge jáne turǵyndarmen sypaıy, mádenı qarym-qatynas ornatýǵa erekshe nazar aýdaryldy.
Eske salaıyq, buǵan deıin qoǵamdyq oryndarda tumshalanyp júrý týraly Almaty polısııasynyń málimdemesi jarııalanǵan edi.