10 mamyrdan bastap elimizde 92 myńǵa jýyq bitirýshi túlek Ulttyq biryńǵaı testileýin tapsyrǵan. Bul týraly Ǵylym jáne joǵary bilim mınıstrligi habarlady, dep jazady Egemen.kz.
Vedomstvo málimetinshe, talapkerlerdiń 71%-y – testti qazaq tilinde, 29%-y – orys tilinde, al 164 adam – aǵylshyn tilinde tapsyrǵan. Ekinshi aptanyń qorytyndysy boıynsha qatysýshylardyń 65%-y shekti ball jınaǵan. Bes pán boıynsha ortasha ball 63 baldy qurasa, eń joǵary nátıje – 138 ball tirkelgen. Sondaı-aq UBT-ǵa erekshe bilim berý qajettiligi bar 235 talapker qatysqan.
UBT-nyń ekinshi aptasynda 178 buzýshylyq tirkelgen. 103 talapker smartfon, smart kózildirik, mıkroqulaqqap, shpargalka sekildi tyıym salynǵan zattardy alyp kirýge árekettengeni úshin testten shettetilse, 75 qatysýshy tártip buzǵany úshin aýdıtorııadan shyǵarylǵan.
Depýtat UBT-dan joǵary ball alǵandarǵa beriletin syılyqtarǵa qatysty pikir bildirdi
Mınıstrlik málimetinshe, UBT aıaqtalǵannan keıin barlyq beınejazbalar 31 qazanǵa deıin taldanady. Eger ereje buzýshylyqtar anyqtalsa, test nátıjeleri joıylýy múmkin.
Eske salaıyq, bıyl UBT-ǵa qatysý úshin shamamen 240 myń talapker tirkelip, eki márte test tapsyrý múmkindigimen 446 myńnan astam ótinish berilgen. Aıta keteıik, bıylǵy jyldan bastap Qazaqstan túlekteriniń UBT nátıjeleri arqyly Malaızııada da oqı alady.