Qurban aıt merekesi qarsańynda elimizde qurbandyqqa shalynatyn mal baǵasy qymbattady, dep habarlaıdy Egemen.kz.
2026 jyldyń naýryz aıyndaǵy derekke sáıkes, elde mal basy ósimi jalǵasqan. Iri qara mal sany 9,2 mln basqa jetip, ótken jylmen salystyrǵanda 2,9%-ǵa artqan. Qoı sany 21,1 mln bastan asyp, 2,3%-ǵa kóbeıgen. Jylqy sany 4,8 mln basqa jetip, eń joǵary ósim – 7,1% tirkelgen. Túıe sany 312,6 myń basqa deıin artqan.
Mal sany sany artqanymen, naryqtaǵy baǵa tómendemegen. Orta eseppen sıyrdyń baǵasy 489,3 myń teńge, buqa – 526,7 myń teńge, jylqy – 581,3 myń teńgege turaqtaǵan. Al tórt túliktiń ishinden eń qymbat mal túri sanalǵan túıeniń baǵasy 800 myń teńgeden asady. Qoı 77-86 myń teńge aralyǵynda bolsa, eshki shamamen 45 myń teńge bolǵan.
Astanada Qurbandyq shalý rásimi ótetin oryndar belgilendi
Qoı, eshki, iri qara jáne túıe boıynsha qurbandyq baǵalary óńirlerge qaraı ózgerip otyr. Iri qaraǵa – 630 myńnan 945 myń teńgege deıin, qoıǵa – 100 myńnan 150 myń teńgege deıin, eshkige – 55 myńnan 100 myń teńgege deıin, al túıege biryńǵaı 1,1 mln teńge belgilengen.
Mamandardyń aıtýynsha, baǵanyń ósýine maýsymdyq suranys, ásirese Qurban aıt aldyndaǵy belsendilik áser etip otyr.
Eske sala keteıik, bıyl alǵash ret Qazaqstanda qurban shalýdy onlaın formatta júzege asyrý múmkindigi engizildi.