Elimizde sońǵy ýaqytta turǵyndardyń uıaly telefondaryna «QR Jol polısııasy departamenti» ataýymen ákimshilik aıyppuldardyń bar ekendigi týraly kúmándi SMS-habarlamalar kele bastady, dep habarlaıdy Egemen.kz.
Polısııa bul habarlamalardyń alaıaqtar tarapynan azamattardy aldap, jeke derekterin ıemdený jáne aqsha qarajatyn jymqyrý maqsatynda taratylyp jatqanyn eskertedi. Habarlamalarda kóbine belgisiz ınternet-siltemeler kórsetilip, sol arqyly turǵyndardyń jeke málimetterine qol jetkizý áreketteri jasalady.
«Osyǵan baılanysty azamattardy saq bolýǵa, kúmándi siltemelerge ótpeýge jáne bógde saıttarǵa jeke derekter men bank kartalarynyń málimetterin engizbeýge shaqyramyz», delingen habarlamada.
Balańyz baıqamaı qylmysker atanýy múmkin: Mınıstrlik ata-analarǵa shuǵyl úndeý jasady
Ákimshilik aıyppuldardyń bar-joǵyn tek resmı aqparat kózderi arqyly ǵana tekserý qajet:
qamqor.gov.kz eGov.kz sondaı-aq ekinshi deńgeıli bankterdiń mobıldi qosymshalary arqyly.Polısııa turǵyndardy qyraǵylyq tanytyp, ınternet-alaıaqtardyń arbaýyna túspeýge shaqyrady.
Aıta keteıik, Almaty oblysynda terrorızm týraly jalǵan habar taratty degen kúdikpen toǵyzynshy synyptyń eki oqýshysy ustaldy.