14 maýsymda Shveısarııa turǵyndary kóshi-qon saıasatyn qatańdatý máselesi boıynsha daýys beredi. SVP partııasy el halqynyń sanyn 2050 jylǵa deıin 10 mıllıon adamnan asyrmaýdy usynyp otyr, dep habarlaıdy Egemen.kz.
Bastamaǵa sáıkes, eger halyq sany 9,5 mıllıonǵa jetse, bılik bosqyndarǵa baspana berý sharttaryn shektep, Eýropalyq odaqpen jasalǵan kelisimderdi, sonyń ishinde Shengen aımaǵyna qatysý máselesin qaıta qaraýy múmkin.
Bastama avtorlary halyq sanynyń artýy ınfraqurylymǵa salmaq túsirip, turǵyn úı tapshylyǵyn kúsheıtip otyrǵanyn aıtady. Saýalnamalarǵa sáıkes, usynysty respondentterdiń 52 paıyzy qoldap otyr.
Al úkimet pen bıznes ókilderi mundaı sheshim ekonomıkaǵa keri áser etýi múmkin ekenin eskertti. О́ıtkeni Shveısarııa medısına, IT, qurylys jáne ónerkásip salalarynda sheteldik mamandarǵa táýeldi.
Eske sala keteıik, 6 mamyrda Swiss International Air Lines áýe kompanııasyna tıesili ushaq Almaty áýejaıyna apatty jaǵdaıda qondy. Ushaq Seýlden Sıýrıhke bet alǵan.