Astanadaǵy №5 gımnazııa mektebinde mektep bitirýshi túlekterge arnalǵan sońǵy qońyraý rásimi ótti. Bul kesh – tek mekteppen qoshtasý ǵana emes, 11 jyl boıy jınalǵan estelikter men armandardyń, úmit pen tolqynystyń toǵysqan sáti boldy, dep habarlaıdy Egemen.kz.
Saltanatty kesh barysynda ustazdar shákirtterine arnap án shyrqap, júrekjardy lebizderin bildirdi. Al ata-analardyń aq tilegi men ystyq yqylasy kópshilikti erekshe áserge bóledi. Bala kúnnen qolynan jetektep ósirgen perzentteriniń azamat bolyp, úlken ómirge qadam basýy – ár ata-ana úshin tolqynysqa toly sát ekeni anyq.
Keshtiń eń áserli bóliginiń biri – túlekterdiń vals bıi boldy. Ásem áýen yrǵaǵymen bılegen jas túlekter mektep qabyrǵasyndaǵy sońǵy keshteriniń birin estelikke aınaldyrdy. Bul bı – balalyqpen qoshtasyp, bolashaqqa jasalǵan senimdi qadam sekildi áser qaldyrdy.
Sońǵy qońyraý: Elimizde 215 myńnan astam túlek mekteppen qoshtasty
Oqýshylaryna júrekjardy tilegin arnaǵan 11-synyp jetekshisi Bekbolat Zaıkenuly túlekterge aldaǵy UBT-da sáttilik tilep, ómir jolynda adaspaı, bilimdi de tárbıeli azamat bolýǵa shaqyrdy. Ustaz óz sózinde ár shákirtiniń bolashaǵynan úlken úmit kútetinin aıtyp, mektep qabyrǵasyndaǵy ár sáttiń qymbat estelik bolyp qalatynyn jetkizdi.
Bir aıdan soń mektep bitirý keshi ótedi: Qymbat kesh − mártebe me, ysyrap pa?
Búginde túlekterdiń oıynda bir ǵana maqsat – Ulttyq biryńǵaı testileýdi sátti tapsyryp, armandaǵan mamandyq ıesi ataný. UBT – tek synaq emes, úlken ómirge aparar baspaldaq. Sondyqtan búgin oqýshylarmen qatar ustazdar men ata-analar da erekshe tolqyp júr.
Janbota BAHYTBEK,
EUÝ stýdenti