О́zbekstannyń Namangan qalasynda ótken gúlder festıvali Gınnestiń rekordtar kitabyna tirkeldi, dep habarlaıdy Egemen.kz.
Uıymnyń resmı saıtyndaǵy málimetke sáıkes, festıval úshin bir aı ishinde 29,4 mıllıonnan astam gúl otyrǵyzylǵan. Al rekord ornatý úshin qoıylǵan eń tómengi talap – 1 mıllıon gúl bolǵan.
Osylaısha Namangan «Bir aı ishinde ujymdyq túrde eń kóp gúl otyrǵyzý» nomınasııasy boıynsha álemdik rekord jasady.
Gúlder festıvali 24 mamyr men 12 shilde aralyǵynda ótedi. Uıymdastyrýshylar is-sharaǵa shamamen 5 mıllıon adam keledi dep otyr.
Eske salaıyq, elimizge О́zbekstannan jetkizilgen 5 myńnan astam gúl keri qaıtaryldy.