Depýtat Ashat Aımaǵambetov áleýmettik jelidegi paraqshasynda tutynýshylar dárihanadan izdegen dárisin taba almaı qalǵan jaǵdaıda qajetti preparatty shetelden aldyrýǵa májbúr bolýyna baılanysty zańǵa mańyzdy túzetýler engizilgenin aıtty, dep jazady Egemen.kz.
A. Aımaǵambetovtiń aıtýynsha, álemde qoldanystaǵy eń jańa ómirlik mańyzy bar preparattar Qazaqstan naryǵyna jetkenshe jyldar ótedi. О́ıtkeni olardy tirkeý, tekserý úderisteri tym uzaq.
«Al dári elde tirkelmese, ol dárihanada satylmaıdy. Bıýrokratııa kóp, tirkelgen dári az bolǵan saıyn baǵasy da qymbattaı beredi. Bul máseleni zań júzinde sheshtik», dep jazdy depýtat.
Onyń sózinshe, arnaıy zerttele kele, zańǵa mańyzdy túzetýler engizilip otyr.
«Birinshiden álemdik eń jańa, eń úzdik dárilerge endi «jasyl dáliz» (Fast-track) engiziledi. Eger dári AQSh (FDA) nemese Eýropada (EMA) qatań tekseristen ótip, tıimdiligin dáleldese, ony bizde qaıtadan jyldap tekserýdiń qajeti joq. Bizdiń engizgen ózgerisimizben mundaı preparattardy óte shuǵyl tártippen 15 kúnde tirkep, halyqqa tez arada jetkizýge jol ashyldy», dedi ol.
2027 jyldan bastap el turǵyndary ózderine qajetti dári-dármekti tegin alady
Depýtattyń málimdeýinshe, basqa da dárilerdi tirkeý merzimi de qysqarady.
«Qazir qujattardy rásimdeý resmı túrde 210 kún, al is júzinde jyldap sozylady. Biz barlyq bıýrokratııalyq kezeńderdi zańmen bir qyzmetke biriktirdik. Nátıjesinde bul merzim aıtarlyqtaı qysqarady», dedi depýtat.
Sonymen qosa, Ashat Aımaǵambetovtiń aıtýynsha, sapaǵa qatań baqylaý jasalady, el ishinde shyǵarylatyn dárilerdiń quramy (sýbstansııalary) endi shekarada qatań tekseristen ótedi.
Buǵan deıin otandyq dári-dármek úlesi shamamen 40 paıyzǵa jetkeni týraly habarlaǵanbyz.