Astanada Jeńis kúnine oraı áskerı tehnıka kórmesi uıymdastyrylady. Kórme 9 mamyr kúni Otan qorǵaýshylar monýmenti janynda ótedi, dep habarlaıdy Egemen.kz.
Qazaqstan Qorǵanys mınıstrliginiń málimdeýinshe mereke kúnderi mınıstrlik ókilderi men áskerı orkestr Uly Otan soǵysynyń árbir ardagerin arnaıy baryp quttyqtaıdy.
Jeńis kúnine oraı 3398 astanalyqqa birjolǵy tólem berildi
7 mamyr – Otan qorǵaýshylar kúni «Báıterek» monýmenti aldynda ótetin plas-konsertpen bastalady (12:00–12:30).
Al saǵat 15:00-de áskerı orkestr qala kóshelerimen júrip ótedi: mýzykanttar Kenesary han eskertkishinen bastap, jaǵalaý boıymen jáne «Atyraý» kópiri arqyly ótip, sherýin Ortalyq saıabaqtaǵy konsertpen aıaqtaıdy.
Sonymen qatar, konsertter Otan qorǵaýshylar monýmenti, «Jastar» saraıy, qala ákimdigi jáne Baýyrjan Momyshuly eskertkishi mańynda da uıymdastyrylady.