Beıjińde (QHR) Transkaspıılik halyqaralyq kólik marshrýtyn (THKM) damytý boıynsha halyqaralyq konferensııa ótti. Onda Qazaqstan Respýblıkasy Investısııalar jáne damý mınıstriniń birinshi orynbasary Roman Sklıar «Bir beldeý, bir jol» bastamasyn iske asyrýdaǵy Shyǵys-Batys transkaspıılik saýda-tranzıttik dáliziniń róli» taqyrybynda sóz sóıledi.
Sondaı-aq konferensııada Ázerbaıjan, Grýzııa, Túrkııa jáne QHR ókilderi baıandama jasady.
Konferensııanyń maqsaty – Transkaspıı dáliziniń perspektıvalary men múmkindikterin talqylaý. Konferensııa barysynda ıntegrasııalanǵan aımaqtyq tranzıttik-logıstıkalyq ınfraqurylymnyń máseleleri sóz boldy.
Bul suhbat alańy eýrazııalyq kontınent elderiniń múddelerin jaqyndatýǵa jáne dostyq qatynastardy odan ári nyǵaıtýǵa, sondaı-aq tasymal qyzmetin damytý úshin ózara tıimdi yntymaqtastyqty qalyptastyrýdyń ońtaıly joldaryn izdestirýge yqpal etedi.
«Egemen-aqparat»