Semeı – Qaınar jolynyń 38 shaqyrymy jóndeledi

«Semeı qalasyna qarasty burynǵy Abyraly aýdany aýmaǵynda 5 aýyldyq okrýg (Abyraly, Aınabulaq, Aq­bulaq, Alǵabas, Qaraóleń) bar. Turǵyndar sany – 3726. Ma­qalada kórsetilgendeı, Aby­raly óńirindegi eń úlken máse­le – joldyń nasharlyǵy. Degenmen de bul másele oblys ákimdiginiń nazarynda ekendigin aıtqymyz keledi. О́tken jyly respýblıkalyq mańyzdaǵy «Semeı-Qaınar» jolynyń 12 shaqyrymnan astam jerine 318 mıllıon teńgege ortasha jón­deý jumystary jáne 100 sha­qyrymǵa jýyq aýmaǵyna 254 mıl­lıon teńgege aǵymdaǵy jón­­deý jumystary júrgizildi. Bı­yl atalǵan joldyń 38 shaqy­ry­myn jóndeý úshin respýb­lı­ka­lyq bıýdjetten 900 mıllıon teńge bólý josparlanyp otyr.

Abyraly ıadrolyq polıgon zardaptaryn tartqan aımaq sanalatyndyqtan halyqqa sapaly medısınalyq qyzmet kór­setýdiń mańyzy zor. Qaı­nar aýylynda ornalasqan Aby­raly aýyldyq aýrýhanasy búginde óńirdegi 4 myńǵa jýyq halyqqa qyzmet kórsetip otyr. Aımaqtaǵy jurtshylyqtyń «osy aýrýhana jabylyp qalmaı ma?» degen alańdaýshylyǵyna baılanysty aıtarymyz mynaý: Aýrýhana jabylmaıdy. 2017 jyldyń jeltoqsan aıynda medısınalyq uıymdardy jabdyqtaý baǵdarlamasy aıasynda atalǵan aýrýhanaǵa qu­ny 47 mıllıon teńgeniń rent­gen apparaty ornatyldy. О́ńir halqyn sapaly, qol­jetimdi jáne ýaqtyly medı­sı­nalyq qyzmetpen qamta­ma­syz etý maqsatynda oblys­tyq densaýlyq saqtaý basqar­masy Densaýlyq saqtaý mınıs­trligine atalmysh aýyl­dyq aýrý­hananyń zańdy mártebesin saqtaı otyryp Den­saýlyq saqtaýdyń biryńǵaı aqparattyq júıesine engizý týraly usynys jasady.

Búginde Abyraly óńiriniń 5 aýylynda (Aqbulaq, Samaı, Tańat, Qaınar, Qaraóleń) aýyz sý máselesiniń sheshimin tappaı otyrǵany belgili. Osyny sheshý maqsatynda «Nurly jol» jáne «2020 jylǵa deıin óńirlerdi damytý» baǵdarlamalary aıasynda byltyr Qaınar aýylyna aýyz sý tartý jumystary bas­taldy. Quny 472 mıllıon teńgeni quraıtyn, uzyn­dy­ǵy 30 shaqyrymnan asatyn sý qubyrlary júıesin qaı­ta jańǵyrtý jumystary bıyl aıaqtalatyn bolady. Sony­men qatar qazirgi ýaqyt­ta Aby­raly aýylynyń sýmen qamtý júıesin keńeıtý já­ne sý toǵany qurylysynyń jo­ba­lyq-smetalyq qujattary ázirlenýde.

Búginde Abyraly óńirinde jalpy bilim beretin bes mektep bar, onda 674 oqýshy bilim alýda. Mektepke deıingi bilim mekemelerine kezek joq, sondyqtan balabaqsha salýdyń qajettiligi joq dep esepteımiz. Orta mektepterde tarıh jáne orys tili men ádebıeti pán­deri muǵalimderiniń (2 muǵa­lim) orny bos tur. Sóz sońyn­da Semeı qalalyq bilim bóli­mi Alǵabas aýylyndaǵy A.By­hın atyndaǵy jáne Qaınar aýylyndaǵy S.Begalın atyn­daǵy orta mektepterge jóndeý jumystaryn júrgizý úshin jobalyq-smetalyq qujattama jasaýdyń esebin daıyndaǵanyn habarlaǵymyz keledi».

Shyǵys Qazaqstan oblysy