QR Syrtqy ister mınıstri Qaırat Ábdirahmanov Kaspıı mańy memleketteri Sammıtiniń talqylanar taqyryby týraly aıtty.
«Kaspıı mańy memleketteri Sammıti Kaspıı teńiziniń quqyqtyq mártebesi týraly konvensııany qabyldaýǵa baılanysty bolyp otyr. Ol - Qazaqstan, Ázerbaıjan, Reseı, Túrikmenstan, Iran arasyndaǵy besjaqty qujat. Biz Syrtqy ister mınıstrleriniń ótken jyldyń jeltoqsanynda Máskeýde ótken keńesinde osy konvensııanyń aldyn ala mátinin kelisip alǵan bolatynbyz. Qazir tehnıkalyq jumys týraly sóz qozǵalyp otyr», - dedi mınıstr Parlament Senatynyń otyrysynan keıingi tilshilerge bergen suhbatynda.
Onyń aıtýynsha, qazirgi ýaqytta barlyq tarap boıynsha memleketishilik prosedýralar aıaqtalýǵa jaqyn. Sodan keıin Sammıttiń naqty qaı ýaqytta bolatyny jarııalanady. «Biraq, bul proseýdaralar aıtarlyqtaı ýaqytqa, birneshe aıǵa sozylýy múmkin. Sondyqtan, sammıt týraly aıtar bolsaq, osy jyldyń ekinshi jartysy týraly sóz qozǵaýymyz kerek», - dedi ol.
Budan buryn «Kaspıı bestiginiń» - Reseı, Ázerbaıjan, Iran, Qazaqstan men Túrikmenstan elderiniń Syrtqy ister mınıstrleri Máskeýde kezdesip, Kaspıı teńizine quqyqtyq mártebe berý máselesin talqylaǵan bolatyn.